Foccaciasmørbrød

Kan verkeleg tilrå denne kombinasjonen: nybakt foccacia, gjerne etter denne oppskrifta (takk, Bollefrua!), med nysteikt kylling i skiver, agurkskiver, paprikabitar og alfalfaspirer. Gjerne med pesto som smør. Fekk servert dette som ventemat for første gong i eit bryllaup, og får vatn i munnen berre ved å tenke på det. Litt jobb med å lage foccaciaen og sånt, men absolutt verdt strevet! :D

Ønskeliste

- brev/kort i posten
- ny ringeklokkelyd
- lysestakar i glas frå Tilbords (Silence, trur eg dei heiter)
- 8 Nora biffknivar
- 24-delars sett med bestikket Svaberg, 18/10 rustfritt stål
- Drage sølvteskeier
- tjukkesokkar
- spel frå tenketing.no: kinasjakk, mikado, escape, hanoi tårn
- gitar
- keyboardstativ
- bøker:
     - Du er unik av Max Lucado
     - Ett ord. Bilder i kampen mot særskrivingsfeil av André Ulveseter
     - den nye salmeboka
- filmar:
     - Caprinos filmsamling (caprino.no)
     - Sherlock-serien
- cdar:
     - Glory, I 2 Eye og The first decade av Michael W. Smith
     - Camomile av Vamp
     - Once In A Red Moon, Earthsongs, Songs From A Secret Garden, White Stones og Inside I'm Singing av Secret Garden

Vitaminmangel

Eg òg vil
ha det fint
ikkje bli pint
men gå i gong

Eg òg vil
aktivere meg
ikkje vere treg
men springe rundt

Eg òg vil
hoppe vindmølle
ikkje bølle
men vere med

Førebels er eg innestengt
i mitt eige sinn
eller mangel på D-vitamin

Men snart er eg fri(are)!

Tilrådd: Daily Zen List

Zen er ei form for buddhisme. Såleis trur eg ikkje alt som har med det å gjere skal slukast rått. Mange zen-idear har likevel blitt populære, og det er eit ord som ikkje nødvendigvis alltid peiker tilbake til den buddhistiske tradisjonen. Nokre gongar blir det nesten brukt i motsetnad til ideane det eigentleg er henta frå. Ein kan nesten seie 'zen' er blitt eit kvardagsord.

Kor mykje Daily Zen List har å gjere med zen, skal vere usagt. Det er ei side der ein Johnny Webber legg ut lister i fleng, som gir tips om litt av kvart, både generelle tips og lenkjer til andre nettsider med spennande ting.

Her er nokre av mine favorittar:

• 13 Interactive Links to Teach You Science - ulike lenkjer for å lære naturfag
• 7 Quiz Websites to Keep Your Brain Sharp - lenkjer til quiz-sider
• 8 Websites to Help You Learn a New Instrument - lenkjer til sider der du kan lære å spele gitar, trommer, bass, piano, ukulele og fiolin
• 20 TED Talks Everyone Should Watch - lenkjer til korte talar om ulike tema

Ein kan finne mykje informasjon på nettet. Ikkje alt er bra, så kjekt med slike sider som gjer det lettare å finne ting ein liker.

Musikk til avslapping og mimring

Ja, eg har funne nettsider til begge deler! For å seie det slik: StumbleUpon er ganske ok innimellom! :)

Www.jazzandrain.com er perfekt til stunder du vil ha roleg musikk på øyret, men utan tekst. Kanskje treng du merksemda di til andre ting enn å lytte til kva artisten har å seie? Ein kan velje mellom ulike typar jazz og om ein vil ha regn eller ikkje i bakgrunnen. Ganske så koseleg. :)

Mimring kan vere spennande å gjere gjennom musikk. Eg har til dømes enkelte låtar eg alltid høyrde på hos naboen, medan vi spelte Mario, i hine hårde dagar. Høyrer eg dei att, er det som eg er tilbake då. The Nostalgia Machine er ei side der ein kan finne musikk knytt til bestemte årstal. Er du nysgjerrig på kva som var mykje høyrt på eitt eller anna år frå 1960 til no, er dette sida for deg!

Ny gøy side!

Prøv weavesilk.com! Ulike fargar og symmetrifunksjonar gir spennande kombinasjonar. Verkeleg fascinerande :) To av mine kreasjonar:

Origami

'Ori' er eit japansk ord som betyr 'å brette' og 'kami' betyr 'papir'. 'Origami' betyr altså 'å brette papir'. Eit enkelt biletsøk på nettet gir tusenvis av døme på kunsten. Her kan ein finne både ulike oppskrifter og historie til temaet. Tilrådd på det sterkaste!

For min del er det eldste broren min som har gjort meg merksam på opplegget. Han var særs ivrig ei stund, og gav til dømes vekk femtilappar bretta som skjorter i ulike bursdagar.

Eit anna klart minne knytt til origami er eit teikna fjernsynsprogram. Det var ei forteljing spunne rundt den japanske myten om at om ein brettar 1000 papirtraner, vil ein få eit ønske oppfylt. Heilt sikkert inspirert av historia om jenta Sadako som fekk leukemi etter atombomba i Hiroshima og døydde av det, etter å ha bretta over 1300 traner. Hennar høgste ønske var å bli frisk og å få fred i verda. Ho fekk ikkje vekse opp, men har blitt ei av mange historier som inspirerer til fred. Vi kan alle vere med på å gjere den til ein realitet!

Eg finn mykje fred i naturen - prøv du òg!

Haustprosjekt i Kinn Kyrkjekor: Requiem av Gabriel Fauré

Rundt februar i år starta eg å synge i Kinn Kyrkjekor. I vår hadde vi eit morosamt og variert repertoar frå både klassisk og meir moderne musikk. Det var kjekt å vere med på! Kjente på stor meistringskjensle kvar gong vi fullførte eit stykke med suksess.

I haust har vi starta på eit stort prosjekt. Saman med Førde Kyrkjekor skal vi øve inn og framføre Gabriel Fauré sitt Requiem. Det er eit vakkert musikkstykke på til saman sju satsar og ei lengde på rundt 35 minutt.

Dirigenten vår, Sebastian Ryll, har gitt oss ei YouTube-lenkje til stykket med notar å følgje med på. Sjekk det gjerne Sjekk det gjerne ut!

Kan du lese notar, er denne YouTube-versjonen veldig grei!
Eg syng alt. Sjekk gjerne ut sats 5 - ganske tricky!

Kinn Kyrkjekor og Førde Kyrkjekor skal framføre verket i Florø 8. november og i Førde 9. november. Kom gjerne og høyr!

Fascinasjon for kaleidoskop

Kaleidoskop er ganske fascinerande, etter mi meining. I dag hjelpte StumbleUpon meg til å oppdage eit kaleidoskopverkty på nettet. Der kan ein lage sitt eige kaleidoskopkunstverk. Kjekk aktivitet!

Mitt forsøk på kaleidoskopkunst. Biletutsnitt frå sida eg har lenkja til over. Ein plasserer ulike element i det svarte rektangelet. Den lyse sirkelsektoren snurrar rundt og rundt og utgjer "synsfeltet" i kaleidoskopet.

Vår heime

Ønskeliste

Eg har eit rikt liv! Jesus har døydd for meg! Eg har jobb eg prøver å finne meg til rette i, eg har ein nyoppussa heim eg liker meg betre og betre i og framfor alt har eg ein fantastisk ektemann, familie og vener eg set stor pris på! Eg har eigentleg alt eg treng og meir til. Eg liker likevel å få gåver. Og for dei som spør og lurer, er her mi ganske oppdaterte ønskeliste. :)

- brev/kort i posten
- ny ringeklokkelyd
- utstillingsstativ til serveringsfat
- steinmortar
- lysestakar i glas frå Tilbords (Silence, trur eg dei heiter)
- høg versjon av dei tre vise menn frå Hadeland Glassverk
- 8 Nora biffknivar
- 24-delars sett med bestikket Svaberg, 18/10 rustfritt stål
- Drage sølvteskeier
- tjukkesokkar
- kvardagsskjerf
- spel frå tenketing.no: kinasjakk, mikado, escape, hanoi tårn
- bøker:
     - Du er unik av Max Lucado
     - Ett ord. Bilder i kampen mot særskrivingsfeil av André Ulveseter
     - Langt fra stammen av Andrew Solomon
- filmar:
     - Caprinos filmsamling (caprino.no)
     - samleboks med Shrek-filmane
- cdar:
     - Glory, I 2 Eye og The first decade av Michael W. Smith
     - Camomile av Vamp
     - Once In A Red Moon, Earthsongs, Songs From A Secret Garden, White Stones og Inside I'm Singing av Secret Garden

Elles er overraskelsar kjekt! ;)

Det snør, det snør

Seinare, same kveld

Snø

Utsikt frå badet - plutseleg kom det snø!

Skal få briller!

Valkvalar!

 

Vårteikn

I dag oppdaga eg spirande påskeliljer i hagen!

Fint å få slike overraskingar i kvardagen. Kanskje det blir fleire i løpet av det første året i ny heim?

Husvære

I sommar investerte eg og mannen i eit husvære, med stort behov for oppussing. Kjekt å få seg noko eige! Vi fekk i fjor vår beskjed frå utleigar om at vi måtte flytte ut frå sokkelhusværet vi leigde, fordi dei trengte å ta det i bruk sjølve. Så då stod vi der då, med valet; skulle vi finne noko nytt å leige, eller ta steget inn i bustadmarknaden?

Vi gjekk på ein del visingar og deltok i nokre færre bodrunder. Men landa på eit husvære det var lite konkurranse om. Då vi overtok, var det berre å slenge arbeidstøyet på. Her var nok å ta tak i.

No har vi måla taket og veggane, lagt nytt golv, fornya innvendige dørblad og -karmar, lista på nytt, fornya veggar, belegg, toalett, dusj og møblar på badet, rive det gamle og sett opp nytt kjøkken, sett opp skyvedørsgarderobe, sett inn nye lysarmatur og fått det riktig fint! Snart i mål med heile sulamitten. Og det skal bli godt. Då kan vi slappe av i eigen heim (og banken sin, enn så lenge).