Å slappe av

Kva gjer du for å slappe av?

Laurdag var eg på kino. Såg Iron Man 3. Saman med mannen min og ein kamerat. I Florø. Etterpå vart ektemaken spurt om korleis det var med jern mann. Joda, var liv i han. Grei skuring og underhaldning. A no-brainer. Avslapping?

Fredag fekk eg tak i tre nye potter og ti stemorsplanter. Pottene var til dei tre siste pelargonia-stiklingane mine. Eg fekk to potter med raude og kvite pelargonia av mamma for ei stund sidan. Dei var litt store og dominerande, så vi klipte dei ned ein del. Dei største stilkane vi klipte av, sette vi i krus med vatn i påvente av at dei skulle røte seg. Fire stilkar gjorde det ganske raskt, og eg fekk planta dei i potter for seg. Den eine vart framleis litt stor då eg planta den, så den klipte eg av endå ein gong, og sette den avklipte stilken i koppen saman med dei to siste stilkane, som då ikkje hadde fått røter enno. For nokre dagar sidan hadde desse tre òg fått røter, så no har eg plutseleg ni pelargonia-potter! Kjekt å sjå at det spirer og gror. To av pottene har begynt å blomstre. Ei av dei eg fekk frå mamma og ei av dei eg planta første gongen. Begge desse har kvite blomar. Spennande å følgje med på kva som vil dukke opp av dei andre. Avslapping?

Kvit Pelargonia i vindaugskarmen min

Den gule stemorsblomsten heilt til høgre, som overvintra frå i fjor, har fått selskap av mange nye fargar

Førre helg var eg med på Florø Maraton Rett Vest. Men nei, eg sprang ikkje maraton. Eg gjekk og delvis jogga mosjonsklasse 5 km. Det vil seie fem km utan tidtaking frå arrangørane si side. Eg tok tida sjølv. I veka før var eg ute og gjekk meir eller mindre lange turar omtrent kvar dag. Eine dagen var eg ute i to timar. Fint å vere ute sjølv om veret var surt. Avslapping?

Deltakarmedaljen min frå Rett Vest 5 km mosjonsklasse

Kva gjer du for å slappe av?

Ønskeliste

Så er tida her igjen, tida for spørsmål om ønskeliste. Koseleg at det framleis er eit emne som dukkar opp innimellom. Tusen takk for all merksemd!

Eg ønskjer meg (ikkje i prioritert rekkefølgje):
- brev/kort i posten
- utstillingsstativ til serveringsfat
- steinmortar
- lokk til steikepanne 28 cm
- lysestakar i glas frå Tilbords (Silence, trur eg dei heiter)
- speilreflekskamera
- tjukkesokkar
- kvardagsskjerf
- 12 Nora biffknivar
- 24-delars sett med bestikket Svaberg, 18/10 rustfritt stål
- 6 Drage sølvteskeier
- brettspelet Blokus
- spelet Mastermind
- spelet Othello
- PC-spelet om Flåklypa Grand Prix (caprino.no)
- Caprinos filmsamling (caprino.no)
- biletboka Du er unik av Max Lucado
- nyaste utgåve av nynorsk ordbok frå Escolas forlag
- boka Fra Hellas til Happening (kjekk bok om teaterhistorie)
- cdar: I 2 Eye og The first decade av Michael W. Smith
- cdar: God, Transform, The Early Years og Worship God av Rebecca St. James
- cden Camomile av Vamp
- cdar: Once In A Red Moon, Earthsongs, Songs From A Secret Garden, White Stones og Inside I'm Singing av Secret Garden

Dette er det eg førebels har på denne lista, men eg blir glad for det meste. Overraskelsar er kjekt;)

What if...?

Kva om...?

Det kan mange gode, refleksjonsinviterande spørsmål starte med. Kva om vi går til jobb i morgon? Ok, kanskje ikkje det beste dømet. Lat meg prøve igjen: Kva om vi smiler litt meir til kvarandre i kvardagen? Kva om eg spør naboen om han treng hjelp med noko? Kva om eg går tidleg frå jobben i dag for å overraske min kjære mann med middag når han kjem heim?

Som sagt mange gode spørsmål. Men "kva om..?" kan òg vere starten på mange unyttige, om enn kreative og til dels interessante spørsmål. Det tek denne engelskspråklege bloggen opp: http://what-if.xkcd.com/ - liker spesielt denne som handlar om korleis det hadde vore om kvar og ein faktisk hadde hatt berre ein "den rette".

Som dei ville sagt i England: Check it out! =D

Til sist, eit lite rim, når vi først er inne på den rette:
Elles er det underleg korleis livet ruslar og går.
Plutseleg har det gått fleire år.
Om ein månad har eg til dømes treårsdag som kone.
Mange fleire år blir det nok, får vi vone.

Påska 2010

Åh! Endå ein ting: Kickstarter er eit fenomen som siste tida har teke av. På kickstarter.com kan ein legge ut skildringar av ulike prosjekt ein vil ha finansiert. Så kan folk som er interesserte i prosjekta, velje å støtte prosjektet, gjerne mot å få eit eksemplar av produktet når det er ferdig. For at prosjektet skal bli gjennomført og få pengane det er lovt, må det samle nok støtte. Ein genial måte å prøve ut interessa for spesifikke prosjekt på. I fjor var det ein del prosjekt frå denne sida som verkeleg fekk stor interesse, og gjennom det har fenomenet nådd langt ut, heilt inn i stova her i Florø. I dag har eg og min kjære mann gitt vårt støtte til 3Doodler, ein penn som kan skrive i 3D. Utruleg nok! Så mot slutten av 2013 vil vi vere i stand til å teikne ulike gjenstandar. Blir spennande å sjå korleis det fungerer og kor mykje dei ferdige gjenstandane vil tåle. Bilete vil kanskje kome, så følg med! =D