Blikk i eit levande liv

Årets peparkakebygg på Kråkenes

2011-12-24T16:55:00.000+01:00

Det siste halve året har livet vore særs levande, nærast på grensa til uleveleg ved nokre høve. Men no er det jul og ferie og ei fredeleg tid. Dette året feirer eg og mannen jul i Vik, hos hans familie. For min del blir det første jul heimefrå. Det er spennande på sin måte:)

Men før vi reiste til Vik, var vi heime på Kråkenes nokre dagar og fekk med oss peparkakebaking og juletrepynting. Stas! Eg og Per Kristian, eldstebroren min, har i mange år no vore ansvarlege for peparkakehuset heime. Det har blitt revidert nokre gongar, frå det originale til ein kopi av huset vårt på Kråkenes til dette året, dette;

Under konstruksjon

Ny teknikk og morsomt resultat! Godt jobba, PK, JB og AM :)

Med dette vil eg ønskje alle ei riktig god og fredeleg jul!

Bevis

2011-05-14T10:40:00.001+02:00

I desse tider har eg mange vener som førebur seg til eksamen i matematikk. Då fann eg det passande å presentere og preservere denne adressa:

http://home.online.no/~ertorkil/diverse/Chau-pei-Suan-ching/Pytagoras.htm

Spørsmål?

Akademisk språk - kjelde til undring og frustrasjon

2011-05-11T19:01:00.000+02:00

Ein nydeleg dag i Bergen og minner frå ein tur

2011-05-10T00:27:00.000+02:00


Målet for turen var å sjå på arkitekturen i Bergen - her er bygd mykje rart

I toppen av Skivebakken fann eg dette måleriet

Litt lenger nord kom eg over ei gammal dør - eller iallfall eit gammalt skilt

Oppi åssida mot Fløyen er der trangt om plassen - dette må vere den minste verandaen i byen

Nød lærer naken kvinne å spinne

Innkommande oppringing: 37408560

2011-05-09T17:10:00.000+02:00

Usikker på om eg vil ta den - dette er mest sannsynleg ein seljar.
Tek den likevel.

Opptattsignal..
Sjekkar statusen - det er ikkje lagt på
Hallo?
Hei?
Hallo!
Heisann! Er det Solveig jeg snakker med?
Jada, det er det.
Hei! Dette er Robin fra damebladet Det nye som ringer.
Jaha?
Er du interessert i mote, Solveig?
Eh.. Nei. Er veldig lite interessert i det, eigentleg.
Akkurat, ja.. Da er det vel ikke så fristende med et abonnement på et moteblad..?
Nei, det er igrunn ikkje det.
Nei.. Ja, ja, da får du ha en god dag videre!
Jo, takk for det og det samme til deg!
Takk, takk! Ha det bra!
Ha det bra!

Teikneseriar om nynorsk grammatikk

2011-04-14T10:09:00.000+02:00

Læraren i meg dukkar fram frå tid til anna. I løpet av norskfaget eg tek dette skuleåret, har vi fått tilbod om å starte å abonnere på bladet Nynorskopplæring frå Nasjonalt senter for nynorsk i opplæringa. Det har eg begynt å gjere og no har eg fått første bladet.

Der var det mykje interessant. Temaet denne gongen var litteratur i skulen, og bladet gav ein del tips til arbeidsmåtar og bøker. Bladet er gratis å motta og kan bestillast på ror@hivolda.no - gjer det gjerne, spesielt om du er eller vil bli norsklærar;)

Noko anna det stod om i bladet var teikneseriar dei har fått laga. Her kan du lese dei:
http://www.nynorsksenteret.no/teikneseriar/123nynorsk.html

Salemsauer!

2011-02-09T11:11:00.000+01:00

Den 29. januar (gratulerer med overstått, Per Kristian!) var det møteverkstad i Salem. Sidan eg var på gruppa som skulle ha ansvaret for søndagsskulen søndagen etterpå, og det ikkje skulle vere søndagsskule fordi barna skulle delta på planlegging av gudstenesta på møteverkstaden og på gjennomføringa på søndagen, stilte eg, saman med storparten av gruppa mi, på møteverkstaden og tok ansvaret for å lage sauer. Eller rettare sagt; kjøleskapsmagnetar i saueform. Eg synest dei vart veldig fine, og dei var enkle å lage. Herved er ideen formidla:)

Utan tittel

2011-02-07T19:52:00.000+01:00

Screenshot frå Minecraft

Julegåve: Set!

2011-01-21T00:59:00.000+01:00

John Eivind gav meg eit kjekt spel til jul! Ikkje alle er heilt samde og kanskje i ulike grad samde, men eg synest det er kjekt. Det er eit kortspel som går ut på å sjå kort som høyrer saman. Ei engelsk forklaring, samt utprøvingar fann eg no på http://www.nytimes.com/ref/crosswords/setpuzzle.html, og eg anbefalar å sjekke det ut! Spelet har visst fått over 25 'beste spel'-prisar, i følgje boksen, mellom anna sitat spelereglane: "MENSA Select Award, Dr. Toy's 10 Best Games Award, Creative Child's Preferred Choice Award, Games Magazine "Games 100 Award" og Teachers' Choice "Best 25 Games of the past 25 years"". Den siste fell jo då spesielt i smak ;)

Det kan vere litt vanskeleg å komme inn i spelet heilt med det same, men øving gjer meister! Spelet er allsidig òg; det passar for alderen 6-99 og med 1-20 spelarar. Det er ganske greitt å spele åleine, men aller kjekkast når ein er mange, og gjerne på same nivå i spelet (sjølv om det kan vere gøy å gruse innimellom;)). John Eivind har spelt det på ungdomsleirar og spelet vart populært hos svigerfamilien, der det kan vere veldig vanskeleg å få gjennom andre spel enn dei som går føre seg på skjerm. Bottom line: Eg liker dette spelet!

Godt nytt år og takk for det gamle!

2011-01-16T16:58:00.001+01:00

Dette vårsemesteret har eg bestemt meg for å ha det travelt med skulearbeid. Slik kan eg unngå daffeperiodar som ikkje er godt for noko og i tillegg ende opp med både adjunktkompetanse og bachelor i kristendom/religion. Jammen ikkje verst, tenkjer eg. Så viss alt går etter planen, blir det fire eksamenar og ei eksamensoppgåveinnlevering i løpet av våren; norsk 5.-10., kunst og handverk til glede og nytte, examen philosoficum, examen facultatum og ei tipoengs fordjupingsoppgåve i RLE1. Kjekke emne og eg får litt meir fast skule-/forelesingstid. Det er bra for disiplinen;)

Elles har eg og vi det bra i 2011. I dag er det ruskever, men vi kosar oss inne. Med speling, seriar og litt småplukk her og der. Snart arkivering, snart strikking, snart lesing for min del og snart data, snart matlaging, snart rydding for mannen. Mannen min er veldig snill!

Denne veka var det ekstra godt med helg. Trur det kan bli fleire slike. Iallfall etter den oversikta eg no har fått etter å ha fylt almanakken. Er bra når helga blir verdsett! Det betyr at ein har gjort ein god innsats i veka og at ein så kan kvile ut med godt samvit og gjere det ein vil. Fantastisk! Det gler meg!

I radioandakta vi høyrde i dag, snakka predikanten om glede. Glede i Herren. Vi er heldige som har den. Vi kan gle oss sjølv om vi sørgjer eller ikkje har det bra. For vi har Ein som vi kan stole fullt og heilt på, Ein som har gitt oss det beste og som stadig ber for oss. Vi kan gle oss same kva vi måtte komme ut for. Og gleda er stor!

Gled dykk i Herren alltid! Atter vil eg seia: Gled dykk! Lat alle menneske få merka kor gode og milde de er! Herren er nær! Gjer dykk inga sut for noko! Men legg alt de har på hjarta, fram for Gud i bøn og påkalling med takkseiing. Og Guds fred som går over alt vit, skal vara dykkar hjarto og tankar i Kristus Jesus. (Filipparane 4, 4-7)

Ferdig med eksamen!!! :D

2010-12-01T00:09:00.002+01:00

I går hengte eg opp tinga eg har laga gjennom kreative prosessar dette halvåret i eksamensutstilling. I dag hadde eg framlegg av fagteorioppgåva mi om collage og Picasso sin bruk av teknikken. Førstnemnte talde 60 % av karakteren og sistnemnte då 40 %. Godt nøgd med resultatet! Godt nøgd med å vere ferdig!

Eit lite glimt frå utstillingsrommet

Torsdag er det semesteroppgåva i norsk eg skal ta fatt på. Den skal handle om omgrepsutvikling og korleis vi lærer språk. Det blir spennande å arbeide med, trur eg. Skal skrive saman med Anne, få rettleiing etter kvart og levere seinast 20. desember. Det er siste eksamensdag for JB òg, så etter det er det julefri! Nydeleg skal det bli!

Men først skal vi nyte adventstida og kanskje få tid til å gjere noko som har blitt utsett i lang tid? Det er utruleg kva ein kan få tid til når ein faktisk reiser ut av huset for å arbeide. Då kan ein på ein måte ta seg fri når ein kjem heim att og få gjort andre ting. Det er godt å komme seg ut og få ei reise som kan avgrense jobb og fritid. Det er godt å ha avtaler å halde i eit prosessuelt arbeid. Eg vil arbeide jamnare med semesteroppgåva enn med arbeidskrava i K&H. Det er målet.

Til deg: God advent! Jesus kjem!

Til deg som er student: Lukke til med alle eksamenar, oppgåver og siste innspurt før jul!

Essay down - under tre veker til K&H-eksamen!

2010-11-11T00:35:00.001+01:00

Plutseleg har ein dårleg tid. For helst skulle ein ha fått godkjent arbeidskrav tre veker før eksamen, for å ha sjansen til å kunne forbetre om ein ikkje får arbeidskravet godkjent. Å få noko godkjent betyr vanlegvis å vere ferdig med det, iallfall til ei viss grad. Det er tilfelle med det eine arbeidskravet mitt, men ikkje i noko grad det andre. Eller jo, i noko grad er det det. Iallfall no, etter tre dagar intensivt arbeid. Det dumme er at det igrunn skulle vore noko lunde ferdig for tre dagar sidan. Slik kan det gå.

Når ein ikkje før for seint innser at ein skulle ha hatt det litt meir travelt i løpet av hausten...

Sjølv om ein lova at ein skulle bli betre etter den sommaren...

Det var fint i Israel! Skal fortelje litt om det!

Snart... etter tysdag kanskje... då må alt vere ferdig... mykje iallfall...

Sånn er det!

Tips: Rush av innlegg på kunstbloggen min no ;)

Kunstnar-Solveig

2010-10-27T00:13:00.000+02:00

Det er tittelen min for tida - bør vere tittelen min for tida.
To nettbaserte fag - norsk og kunst og handverk - to kunstfag.
Utfordring.

Essay og kunstuttrykk.
Mykje arbeid!
Lite tid... att...

Siste nytt: SNØ i Bergen

2010-10-20T17:57:00.000+02:00

Ja, du leste riktig. Her er bilete frå utanfor huset der eg bur, teke for rundt ein halvtime sidan:

Rydding i CD-hylla

2010-10-12T21:51:00.000+02:00

Ein kjem over mykje når ein startar å rydde. Når eg no har henta resten av CD-samlinga mi heime, for å prøve å samle den på ein plass, fann eg Blood, Sweat & Tears Greatest Hits. Låtane deira er musikalsk sett tøffe! Dei kastar seg ut i ulike toneartar, men rundar alltid opp nice and easy:) Det er denne gruppa som skreiv Spinning Wheel, ein låt kjend spesielt frå Cubusreklamar frå ei tid tilbake her i landet. På heimesida deira kan du høyre den mellom anna.

Her er link til ein vakker kjærleiksvise:
You've Made Me So Very Happy av Blood, Sweat & Tears

Enjoy! :D

Eit lite pip

2010-10-11T18:29:00.000+02:00

For ei tid tilbake fekk eg eit lite pip om at det ville vore fint med oppdateringar. Det forstår eg godt. Det har vore skralt med oppdateringar den siste tida her, men litt fleire på den nye bloggen min om det eine faget eg tek i år. Der skriv eg om tanke og handling i høve arbeidet i faget. Ta gjerne ein titt og kommenter:)

Likevel har det skjedd andre ting i livet enn kunst og handverk i Sogndal. Utanom dette faget tek eg norsk 5.-10. klasse på Breistein. At eg no studerer ved to ulike høgskular, skapte ein del komplikasjonar i høve stipend og lån, men no har det omsider komme på plass. Godt å ha ein reserve å ta av.

Turen til Israel var flott! Vi fekk oppleve mykje, og i og med at vi var der så lenge, i ein heil månad, og ikkje budde på fleire enn tre plassar, fekk vi litt tid til å slappe av og nyte livet på kvar plass òg, i staden for å farte rundt for å rekke og sjå alt. Det var frigjerande. Las ein del, spesielt på siste delen av turen, då vi budde på Ma'agan Holiday Village, eit ferieområde sør for Galilea-sjøen (òg kjend som Tiberias-sjøen, Genesaretsjøen og Søndagsskulesjøen). Eksamenane gjekk fint, både skuleeksamenen vi hadde siste dagen i Israel, heimeeksamenen ei veke etter vi kom heim og den munnlege eksamenen i slutten av veka deretter, som òg var i starten av siste helga før skulestart. Ikkje verst! Etter siste eksamen vart sommarsemesteret avslutta med ein flott eksamensfest hos Else, ei av dei andre som var med. Veldig koseleg!

Ei av dei andre som var med på turen til Israel, bur i same hus som meg og JB. Kjekt å vite kven nokre av naboane er i alle fall - kunne byttelåne filmar og sukker og kva det måtte vere - fint liv:) Til dags dato har ikkje naboskapet gjort så stort utslag, men vissa om tilstanden er like verdifull som faktisk handling i ein del tilfelle. Sjølv om tanken ikkje alltid tel.

I helga som nettopp er over, var eg og mannen min (alltid like morsomt å seie d;)) på tur heim til familien min. Eg har vakse opp på eit lite gardsbruk, og der er det som regel alltid noko å gjere. Vi har ein stor hage rundt huset med mellom anna frukttre. Plommehausten i år var fenomenal. Vi har berre tre plommetre, men dei bar så mykje i år at vi ikkje fekk nytta alt. No er sesongen omtrent over, og tida er inne for å rake vekk lauvet som ligg rundt på marka. Dette er viktig å gjere for at dei ikkje skal vere berarar for sopp til neste års avling. Lauvraking var difor det vi heldt på med ein del av laurdagen. Det var mykje å rake saman og litt vanskeleg grunna langt gras. Likevel var bakken under trea strigla då kvelden kom:)

Søndagen var heile gjengen ute i marka for å hjelpe naboen med å sanke resten av saueflokken hans. Det var flott haustver, og om det var det som var grunnen eller ikkje, var i alle fall sauene ikkje så greie å ha med å gjere. For det første var dei spreidde over eit stort område, og då vi prøvde å samle dei, var det ikkje alle som var så gira på å følgje flokken. Det vart mykje vandring, springing, klatring, kliving, lytting, kommunikasjon over jaktradio og mobil, litt sopplukking og mange slitne føter. Eg kjenner framleis omtreng i heile kroppen at eg brukte den i går. Men vi fekk med oss kantarell til byen igjen; nok til å dekke alle treskjærefjølene vi har, inkludert den som er inkludert i kjøkenet. Jammen ikkje verst:)

For sauebønder må det vere spesielt å lese i Johannesevangeliet, kapittel 10, vers 11 (omvendt av datoen i dag): "Eg er den gode hyrdingen. Den gode hyrdingen set livet til for sauene." Eg vil nok tru at sauehaldet og sauene i Israel er litt annleis enn i Noreg, men noko står fast; sauer er noko for seg sjølv. Det er menneska òg. Kor mykje lenger ein skal trekke parallellen er eg usikker på, men vi kan fare vill. Jesus vil føre oss på den rette vegen!

Sommarsemester i Israel

2010-06-30T12:06:00.004+02:00

Denne sommaren er ferie eit framandord. Eg og 18 andre studentar har i regi av NLA Høgskolen reist til Israel for å studere! Eg skal ta tre 10-poengsfag; Jødedom, religion med vekt på Islam og Kristologi. Vi er allereie godt i gang på Lutheran Guesthouse midt i gamlebyen i Jerusalem.

Her har vi hatt forelesingar med Oskar Skarsaune (om kristologi), Jan Rantrud (om utviklinga av munnleg og skriftleg Torah) og Sigalit Ben-Zion (om forholdet mellom arabarar og jødar i dag, Makkabearopprøret og den jødisk-romerske krigen i 66-70 e.Kr.). Elles har vi vore rundt i byen og opplevd litt av kvart; Caspari Center, gamlebyen, Oljeberget, beskyttelsesmuren, Hiskia-tunnelen, Gravkyrkja, den koptisk-ortodokse erkebiskopen, ei syrisk-ortodoks kveldsbøn, Vestmuren, tempelplassen med Al Aqsa og Klippedomen, Siloa-dammen, Betesda-dammen, Via Dolorosa, The Tower of David Museum. Som Anne seier det: Vi bur midt i eit museum! Kos:)

Siste helga i april

2010-06-01T14:54:00.005+02:00

Når vi har komme til første sommardag, er det tid for å sjå tilbake på våren vår. Eller for å seie det slik: Eg vil gjerne fortelje om turen vår til Vik siste helga i april.

I denne perioden var det dårleg ver. Då vi kom forbi Voss, var det snø og slaps i vegen og det snødde. Vegen var ikkje brøyta og det låg eit lag med slaps. Litt forbi Tvindefossen køyrde vi på ei forholdsvis rett strekke, og ikkje så veldig fort. Likevel fekk vi skrens på bilen. John Bjarne ratta som ein helt, men vi enda i grøfta. På motsett side av vegen. Hurra!

Heldigvis er John Bjarne medlem av NAF. Han ringte til dei og fekk dei til å sende hentebil. Frå Voss, ca 20 min unna. Og vi venta. I bilen. Venta og venta. I to timar venta vi. For det var ikkje berre vi som hadde køyrt av vegen denne kvelden. Og hentebilen tok bilane som stod etter kvart som han køyrte. Vi var ein av dei siste i rekka.

Kjekt med alle som køyrte forbi og stoppa og høyrte om det gjekk bra med oss. Det var verkeleg kvelden for å snakke med ukjende folk. Eg gjekk ut i sandalane for å sette opp trekanten, for John Bjarne stod på bremsa. Slik at vi ikkje skulle komme lenger ut i grøfta. Eg vart våt. Men vi hadde bilen i gang no og då for å få varme i oss. Vi var uskadde, men kom oss ikkje av flekken. Bilen stod med nasa i grøfta.

Vi var framme i Vik kl. 1 i staden for kl. 23 som vi hadde sett føre oss. Kos.

Sååå fornøgd:D
Argh! Vi måtte vente ei stund...
Vi hadde på nødlys...
Bakover - vi stod med nasa ned i grøfta
og med baken ganske høgt opp
Så mykje snø var det, ja...

I virrvarret av stiar bak Sandviken Sykehus

2010-05-31T13:58:00.001+02:00

Ønskjeliste

2010-04-27T14:10:00.003+02:00

Og på månadsdagen for bryllaupet vårt er det berre få dagar til åremålsdagen min. Det betyr at det er på tide med ei oppdatert ønskeliste;)

Eg ønskjer meg (ikkje i prioritert rekkefølgje):

Flaxlodd - for spenning i kvardagen - kan meddele at eg var særs heldig med det eg fekk til jul;)
Pengar - alltid greitt å ha!
Brev/kort i posten:D
24-delars sett med bestikket Svaberg, 18/10 rustfritt stål
Boka Fra Hellas til Happening (kjekk bok om teaterhistorie)
Boka Hva i all verden? av Jan Rantrud (om skaping, skrive av KRL-læraren min frå NLA)
Boka Vannliljen - historien om et barn av Hanne Dahl
Musikk (gjerne Shawn McDonald (albumet Ripen), Michael W. Smith (albuma I 2 Eye og The first decade), Rebecca St. James (albuma 2 for 1- God/Transform, The Early Years og Worship God), Vamp (albuma Folken, En annen sol, Siste stikk og St. Mandag), Secret Garden (albuma Once In A Red Moon, Earthsongs, Songs From A Secret Garden, White Stones og Inside I'm Singing), julecden til Sissel Kyrkjebø og Odd Nordstoga (2009))
Innramming til BiG-biletssamlinga og måleriet eg kjøpte i Ecuador og på Madagaskar, samt eit måleri eg og JB kjøpte av ein dørseljar (høyrte eg nokon nemne gåvekort? gjerne det!)
Krakk/puff/fotskammel som både kan brukast til å legge beina på når ein sit i ein lenestol, og som er grei til å stå på for å rekke høgare opp
Blekkpatronar til multifunksjonsmaskina mi; Brother DCP-135C
Citron servise (4 tallerkenar, 4 djupe tallerkenar, serveringsfat)
Eva Solo svarte krus (4 stk)
Nora biffknivar (12 stk)
Drage sølvteskeier (6 stk)
spelet Sequence

Dette er det eg førebels har på denne lista, men eg blir glad for det meste. Overraskelsar er kjekt:)

Bryllaup er kjekt!

2010-04-27T13:49:00.004+02:00

No er dagen over, men livet i lag er begynt!

Og livet er herleg! :D

Kan absolutt anbefale å gifte seg;)

Tusen takk til alle
for gode ord, gode tankar, godt selskap og gode gåver!

Wow

2010-03-09T18:24:00.002+01:00

No skal eg faktisk snart gifte meg!

Det blir stas! Eg gler meg:)

Det er ein del å ordne for at festen skal bli flott og fin og god og bra.

Nokre der ute som har gode tips og kjekke tradisjonar i høve bryllaup?

Eg og min kjære tek imot idear med opne armar! Ta kontakt:)

Helga som gjekk

2010-01-31T23:45:00.000+01:00

Du verda, kor godt det er med helg!

Helga har vore flott! Etter ei hektisk veke (skuleopplegg kvar dag!) var det godt å få komme heim og slappe av! Rett og slett.

Etter helgevask på etasjen fredag, sette eg og JB oss i bilen og retta kursen mot Kråkenes. Der vart vi tekne i mot med opne armar og ein god og varm kopp kakao. Aldeles nydeleg! Før sengetid fekk vi òg helse på Bergsvein, som kom litt etter oss, i tillegg til å fortære varme rundstykker, med tunfisk og majones på, for min del. Nam! :)

Tunfisk, òg kjent som makrellstørje, er ein fascinerande skapning.
Den er som ein gigantisk makrell (kan bli opp mot 500 kg tung),
som, som alle andre makrellar, er avhengig av kontinuerleg symjing
for å få nok oksygenrikt vatn over gjellene.
Blir den stoppa, blir den kvelt.
Foto og delar av informasjonen er henta herfrå

Laurdags morgon var roleg og fin. Fredag var PK sin bursdag (GRATULERER så mykje!!! :D), men han var på Skjergardsheimen og kosa seg der. Men mamma og pappa hadde så lyst å gi presangar at dei hadde ein eg fekk:D Det vart kalla ein tidleg bursdagspresang:) Og lukkeleg pakka eg opp ein ny mobil! Tidlegare knuste eg skjermen på den gamle mobilen min (ei bitter affære med klappstolane i auditoriet på NLA!), og i etter det har eg fått bruke JB sin gamle. Men på den har navigasjonsjoysticken slutta å fungere, så den var mildt sagt ikkje så enkel å bruke. Slik sett var det veldig greitt med ein tidleg bursdagspresang;) Når den i tillegg har sju spel, og der eitt av dei er Uno (!), då er det omtrent toppen på kransekaka:D

Ein tur til Førde vart det òg tid til; mest for å prøve og plukke ut eit servise som vi vil ønske oss til bryllaupet. Mamma var med som konsulent. Vi såg på mykje, men det er merkeleg kor mykje rart som blir selt i butikkane, og kor vanskeleg det er å finne noko ein verkeleg liker. *sukk* Får prøve litt til; ønskeliste er altså under produksjon.

Eg fekk òg strikka krage til babykjolen eg heldt på å avslutte. No er der berre hekling av fastmasker i splitten bak, påsying av tre knappar, to ermer, femti kronblad og ti blomeknoppar. Og det er jo igrunn ikkje berre, berre, men er no ferdig med strikkinga iallfall.

Laurdags kveld vart avvikla på tradisjonelt vis; med heimelaga pizza:) Noko som ikkje er så vanleg ein laurdags kveld, utanom ein gong i januar, er knusing av peparkakehus. Men det gjorde vi denne kvelden, eller rettare sagt; vi braut av bitar og åt. Utruleg godt; eit høgdepunkt!

Søndag vart ein god frukost, gudsteneste, avskjed, lite besøk hos onkelfamilien til JB og eit litt lengre besøk hos broren til JB, Tryggve, med film, pizza og tur tilbake til Bergen. No skal det bli godt å sove. Kanskje klar til ei ny veke?

Takk for jula!

2010-01-16T17:44:00.004+01:00

Ja, det er ei stund sidan jul. Eit par veker. Aktivitetsnivået tilseier meir. Eg er litt sliten. Denne helga var det matematikktimar på NLA, i valfaget mitt, MA3. Frå 16 til 20 i går, og frå 10 til 16 i dag. Men no er det helg!

Jula var flott! Ferie og familietid. Gåver, både på den eine og den andre måten. Kjekt! Takk for jula!

For det første var juleferien lang og god! Eg hadde siste skuledag den 15. desember, med eit veldig interessant og utfordrande foredrag med Terje Forsberg, forfattaren av boka Aldri for sent å bli et lykkelig barn. Etter nokre rolege første feriedagar i Bergen, kom mamma, pappa og John Eivind til Bergen for å hente meg og PK, som kom frå Voss, heim. Koseleg:)

Vel heime var det tid for dei siste juleførebuingane i huset. Det vart kakebaking, pynting av peparkakehus, litt vasking, pynting av juletre og det som elles høyrer med. Sjokoladestenger og kanelkjeks kom på plass, og for første gong har eg laga peparkakedeig og risbollar. Kjekt:)

Adventskalendarar fortener òg eit avsnitt. Då eg var heime i byrjinga av desember, hjelpte eg mamma med å pakke inn kalendarane til JE og AM. Mamma og pappa fekk òg kaledar, frå meg og JB til jul. Den inneheldt mellom anna ei julekrubbe frå Madagaskar (fann ut at å gi den som kalendar var fint, for då hadde eg allereie 12 av 24 gåver, og figurane kunne få stå framme og vere fulltallige på julaftan:)). Då eg kom heim, hadde mamma ordna til adventskalendar for dei gjenverande dagane til meg og PK. Koseleg, og praktisk med sokkar, tannbørste, lypsyl, tanntråd, eit stort, flott glansbilete og sjølvsagt ein dose snop kvar dag;)

Jula kom med pynte marker, hus og menneske. På julaftan nytta heile familien kulden, den frosne jorda og snøen til å ta med kjelke og akebrett og ake nokre timar, før det var inn til julemiddag. Kjekt! Årets gavedryss var òg eit høgdepunkt. Eg fekk ein del av det eg ønska meg og òg mange andre fine ting; to fat og to skåler av sitronserviset, ryggsekktrekk, kalendarar (både frå skulemusikken og munn- og fotmalendes forbund:D), nokre bøker, låge støvlar til regnvåte Bergen, to Vamp-cdar, ein lysestake og lys, eit teppe, ein porsjon Real Turmat, multibestikk (skei, kniv og gaffel i eitt), eit skrapelodd (som eg vann på!), sjokolade, toalettveske, ein krem, ei turveske og alle ungane fekk Ticket to Ride Europe! Tusen takk!

2. juledag kom John Bjarne på besøk. Det er alltid koseleg og populært:) Vi henta han i Førde, og tok likesågodt ein tur opp til Bekkjavatnet før vi reiste heim att. Det er ein laang oppoverbakke, men nok sunt. Det vart òg tid til spel og anna kjekt medan JB var på besøk. Han reiste att 4. juledag.

Elles gjekk no dagane. På nyttårsaftan var det romjulstrening i gymsalen på folkehøgskulen i Førde. Det var kjekt; vi samlast ein vennegjeng og spelte innefotball, innebandy og volleyball. Kos:)

Første nyttårsdag var det julefest på bedehuset. Der var eg spurt om å spele litt og fortelje litt om Madagaskar-opphaldet mitt. Det var kjekt! Då eg var ferdig med opptredenen min, var pappa og PK snille og køyrde meg til Vadheim, slik at eg kunne rekke ein buss til Dragsvik, for så å ta ferja over fjorden, til Vangsnes, der JB kom og henta meg. Etter nokre rolege dagar i Vik, reiste vi så tilbake til Bergen måndag 4. januar.

Ganske enkelt.

Hin dagen var vi på busstasjonen og kjøpte hovudpute til meg. Julegåve frå JB - eg fekk eigentleg eit regntrekk til sekken, men det hadde PK tenkt på òg, så då sa JB at han kunne bytte det og heller få tak i noko anna. Hovudputa var veldig god:)

Le Petit Bonhomme En Mousse

2009-12-20T22:39:00.007+01:00

Ein gong for lenge sidan vart eg introdusert for dette opptaket. Eg hugsar ikkje heilt korleis. Når mamma no var på jakt etter morosame Youtube-filmar, kom eg på denne, men det gjekk ei tid før eg fann den att. Det var til slutt PK som fann den, og her blir den lagt ut som ei gåve til lesarane mine i denne søte juletid:

Ønskeliste!

2009-11-28T14:11:00.006+01:00

Då nærmar det seg jul, og som vanleg er det greitt å få ordna ei ønskeliste, slik at ein enkelt og greitt kan vise til denne lista når ein blir spurt om kva ein ønskjer seg:)

Eg ønskjer meg (ikkje i prioritert rekkefølgje):

Flaxlodd - for spenning i kvardagen
Pengar - alltid greitt å ha!
Brev/kort i posten:D
24-delars sett med bestikket Svaberg, 18/10 rustfritt stål
Verktysett (gjerne lite og nett, som er greitt å flytte med seg og til å skru/hamre oppheng til bilete og andre ting som skal på veggen)
Boka Fra Hellas til Happening (kjekk bok om teaterhistorie)
Boka Hva i all verden? av Jan Rantrud (om skaping, skrive av KRL-læraren min frå NLA)
Boka Tidebønn frå Efrem forlag (opplegg til typisk morgonmesser og kveldsbøner, lik dei som er her på Sta. Sunniva)
Boka Vannliljen - historien om et barn av Hanne Dahl
Musikk (gjerne Shawn McDonald (albuma Ripen og Roots), Michael W. Smith (albuma I 2 Eye og The first decade), Rebecca St. James (albuma 2 for 1- God/Transform, The Early Years og Worship God), Vamp (albuma Horisonter, 13 humler, Folken, En annen sol, Siste stikk og St. Mandag), Secret Garden (albuma Once In A Red Moon, Earthsongs, Songs From A Secret Garden, White Stones og Inside I'm Singing), julecden til Sissel Kyrkjebø og Odd Nordstoga)
Innramming til BiG-biletssamlinga og måleriet eg kjøpte i Ecuador og på Madagaskar, samt eit måleri eg og JB kjøpte av ein dørseljar (høyrte eg nokon nemne gåvekort? gjerne det!)
Regntrekk til sekken min
Ei god hovudpute (som er så kompakt at den ikkje deler seg i klumpar etter kvart, og som eg slepp å knurve saman for å få nok støtte til hovudet;))
Låge støvlar (ja, det er vått i Bergen...)
Lys naturbast til bryllupsbruk
Sett til vindaugsvask (typisk Jordan)
Krakk/puff/fotskammel som både kan brukast til å legge beina på når ein sit i ein lenestol, og som er grei til å stå på for å rekke høgare opp
blekkpatronar til multifunksjonsmaskina mi; Brother DCP-135C

Dette er det eg førebels har på denne lista, men eg blir glad for det meste:)

Gullkorn

2009-11-18T20:46:00.001+01:00

Det er ikkje berre facebook-bestemødre som har nydelege sitat!
Her er eit gullkorn frå John Bjarne:

"Eg syns du skal ha små forventninga og vere gla for alt eg gjer!"

Lagt ut med tillating;D

Facebook-bestemor

2009-11-15T10:51:00.003+01:00

Har nettopp høyrt på radioen om ei bestemor som har profil på Facebook. Passe kult:D

Her er nokre gullkorn frå innslaget:
- Eldre er dei som har vore unge litt lenger
- Facebook er som å gå på coopen og møte kjende eller å lese eit Se og hør som berre handlar om folk du kjenner

Visdomsord #9

2009-11-13T14:36:00.002+01:00

Albert Einstein: Information is not knowledge.

Og det fann eg i min frustrasjon over arbeidskrav to i Leiing. Medan eg las Profesjon og organisasjon av Eirik J. Irgens. Hurra!

Tilbake i Noreg; velkomst, sjukdom og skulearbeid

2009-11-12T13:45:00.007+01:00

Då er vi vel tilbake i Noreg!

Vi landa på Flesland 15.15 søndag ettermiddag, og opp troppa ikkje berre min kjære John Bjarne, men òg nesten heile min kjære familie; mamma, pappa, Per Kristian og Ane Marte! Det var kjempekjekt og fantastisk koseleg! Dei hadde teke den tre timar lange turen til Bergen i dag for å møte meg på flyplassen. Dei er gull!!!

Etter ein fantastisk kveld på søndag, begynte røynda å gjere seg gjeldande. Den er at det til fredag skal inn to praksisoppgåver (gruppe og individuell), i tillegg til at eg har innlevering av arbeidskrav to i Leiing. Mykje å gjere med andre ord. Då var det ikkje heilt kjærkome med vidare diarè frå turen og ei kraftig forkjøling. Men har vore til legen og fått antibiotikakur for førstnemnte, og forkjølinga gir seg vel om ei stund. I mellomtida har eg mini-Madagaskar på rommet mitt (sjølv om temperaturmålaren stadig viser 21 grader celsius (mon tru om det er noko gale med den...)). Klarer ikkje heilt å ta over meg at eg har det travelt, men får tru det går opp for meg i tide til å få ferdige produkt til innleveringsfristen 23.55 i morgon.

Vidare oppdatering med bilete frå Madagaskar vil kome, men tolmod er ein fin ting.

Tilbake i Antsirabe

2009-10-23T12:10:00.003+02:00

med norsk tastatur!!! Fantastisk!

No er vi tilbake på den norske skulen i Antsirabe, som no blir drive som eit gjestehus. Om litt skal vi rundt om her i byen og sjå/oppleve landbruksskulen, døveskulen og blindeskulen som er starta av misjonen her. Det blir spennande!

Veka i Fandriana har vore flott. Vi har vore travlare i høve praksis, og kjenner at barna er begynt å bli varme i trøya. Det er kjekt! Det skal bli kjekt å komme heim til Noreg, men på ein måte har ein lyst å vere lenger her òg, for å sjå meir på utviklinga til elevane.

No er det faktisk berre ei veke att av praksisen i Fandriana. Neste laurdag reiser vi derfrå og på ferie til ein by på vestkysten, Tolear. Det blir fint, sjølv om det hadde vore kjekt og vore lenger i Fandriana òg. Eg er veldig glad for at det er der vi har hatt praksis! Mange kjekke folk, både vaksne og barn!

So long:)

Madagassisk nettkafè er ikkje lett

2009-10-19T09:24:00.004+02:00

men det gaar, naar ein tek tida til hjelp. Det er stikkord for mykje her nede. Har ikkje sjekka, men tviler litt paa at dei har eit ord for effektivitet paa gassisk. Eigentleg er det ganske behageleg! Trur ikkje det er saa mange stressjukdommar her nede.

Denne helga har vi hatt ein effektiv miniferie! Vi sa fraa om at vi ville ut og sjaa litt av landet, og daa var det ikkje noko problem aa faa fri fredag og i dag. Vi reiste rundt 8 fredag morgon, lokal tid, til regnskogen. Paa vegen var vi innom ein silkefabrikk og fekk sjaa arbeidet deira der. Interessant! Vel framme i regnskogen la vi oss inn paa hotell, og laurdag gjekk vi guida turar baade paa dagen og tre av oss paa kvelden i moerket. Vi fekk sjaa lemurar, kameleonar, froskar, gekkoar og edderkoppar. Trur vi fekk ein del bra bilete òg, kanskje spesielt paa kvelden, faktisk.

I gaar var vi paa ein papirfabrikk og i ein lemurpark. Vi fekk sjaa korleis dei lagar papir av bark paa eit spesielt tre, og eg fekk tak i invitasjonar, bordkort, takkekort og album til bryllupet til under tusenlappen! Det tok litt tid, men det var kjempemykje fint, og absolutt verdt det! I lemurparken fekk vi sjaa den typen lemur som vi oftast forbinder med lemur; ringhalelemuren. Mange av dei var saa tamme at vi kunne vere saa lite som ein meter fraa dei!

Mette av inntrykk reiste vi til byen vi er i no; Fianarantsoa. Her er det ei dame, Hasina, som driv eit gjestehus. Ho har studert i Noreg og kan godt norsk. Ho tok oss i mot med opne armar i gaar, og laga god middag og ordna gode senger. Fantastisk! Huset ho har er òg elegant og har god standard. Vi kjente oss velkomne og tekne vare paa fraa foerste stund. Kjekt!

Helga har vore straalande, baade opplevingane og sjaafoeren vaar. Han, Njafy heiter han, kan òg norsk, og er ein morsom kar! I regnskogen lurte dei paa korleis han klarte aa faa med seg saa mange fine jenter. Sist helg hadde han nemleg med seg fem andre norske jenter (studentar) til regnskogen, og no kom han med oss. Joda, sa han at han svarte; han er supermann:D

Elles har vi gjennomfoert ein del timar paa EPLAF, skulen vi har praksis paa, no. Det er ganske frustrerande aa ikkje kunne spraaket og difor ikkje faa formidla alt ein vil. Det er godt vi har kroppen vaar aa vise med! Men ja, det er ikkje enkelt aa laere vekk eit spraak elevane og laerarane har liten kunnskap i, utan aa kunne spraaket deira! Men vi proever som best vi kan. Har proevd oss med nokre gassiske ord og faatt litt undervising i det, saa det humpar og gaar. Det skortar ikkje paa interessante erfaringar iallfall!

No lurer eg paa kor lang tid eg har brukt. Hadde vore interessant aa vite. Men trur eg naermar meg ei avslutning. Vi har det stort sett bra og liker oss godt i Fandriana der vi har praksisen vaar. Det er ein roleg og akkurat passe stor plass. Kos!

Vel framme på Madagaskar

2009-10-02T17:54:00.002+02:00

Hei alle saman!

Etter å ha vore på Madagaskar snart halvanna døgn, har vi hatt mange opplevingar! Vi starta godt med kansellering av flyet frå Bergen til Oslo, men kom oss vel fram til slutt, med bagasje! Veldig fint:) Litt spennande prosedyre på visumsøknad, men alt gjekk fint i hamn.

Vi vart henta på flyplassen av Tanteli (betyr honning;)), og han køyrde oss dit vi ville, både for å kjøpe vatn, mat, gå på do og sjølvsagt då fram til Antsirabe, her vi bur no, på eit gjestehus som tidlegare var norsk skule. Vi har truffe mange kjekke folk her, som har gitt oss gode tips til livet her nede. Her på gjestehuset har dei ei dame, Astrid, som er her for å snakke med gjestar og vere behjelpeleg på tunet. Ho har vore misjonær her nede tidlegare (mellom 1961 og 1982), og er kjempekoseleg! Ho var med oss på butikk i går og på marknad i dag, og vi har òg fått høre om misjonsarbeidet her nede av ho. Veldig kjekt!

Elles har eg til no skrive fire sider (A4) i dagboka/loggen min, så dei som er interesserte kan få lese den når eg kjem att:)

Sjå òg Christine (christineaahansen.blogspot.com), Solveig (solveighaukaas.blogspot.com) og Janne (janneibergen.blogspot.com) sine bloggar for å lese om korleis vi har det.

So long:)

Om eit halvt år

2009-09-27T15:01:00.000+02:00

er eg blitt kone!!! :D

Flott parkering i EPG rundt midnatt

2009-09-26T11:09:00.003+02:00

Ja, du leste rett. Her i gata, Erik Pontoppidans gate, var det ein person som stansa bilen som på biletet. Flott opplegg! Det skal vere sagt at bilen ikkje stod der så lenge, venta sikkert på nokon, men ja.. Greitt å berre sette bilen slik?

Utsikt frå vindauget mitt

Slikt ein gjer når ein har det travelt med oppgåver

2009-09-25T13:50:00.009+02:00

Når ein eigentleg har det travelt med noko som er på grensa til uuthaldeleg kjedeleg, er det mykje og mangt som er meir interessant. Til dømes å skrive til verda at ein er utruleg lei.

Eg er utruleg lei.

Kunngjering

2009-09-14T11:20:00.002+02:00

Eg har vore heime i helga og ordna/gjort på ein del ting:

henta to lakenposar, talkum, ein stoor bag og litt diverse til å ha med til Madagaskar
stemt ved Stortingsvalet; kyrkjevalet stemte eg ved i sommar:)
bestilt kyrkje til den 27. mars 2010:D

plukka og ete plommer, samt fått smake plommepai og plommegraut:D
laga steikte fiskekaker til middag på fredag - nam, nam!
besøkt broren til JB, Tryggve, heile to gonger:D
ete Pizzabakeren pizza, heile to gonger:D
samanheng mellom to førre punkt? kanskje;)
bygd Lego - pyramidetal for the win!
ete god heimelaga graut!
snakka om bryllup og bryllupsførebuingar
sett første episode av ny sesong med "Norske attraksjoner":D
spelt Bohnanza saman med AM, JE, mamma og JB:)
sett på lokala på Kyrkjetunet og Førde Camping
nytt sola i vinterhagen hos Tale, i god prat med Sarah:)

Med andre ord; ei flott helg:)
-om enn litt småstressande *mange tankar i hovudet på ein gong*

"Forstyrr meg!"

2009-09-01T13:19:00.003+02:00

For ei tid sidan dreiv eg og tok føre meg DagenMagazinet-avisene som kom hit til huset og såg gjennom dei og klipte ut det eg synest var bra. I går tok eg ei opprydding i utklippa, og kom over dette flotte vitnesbyrdet frå Linda Helen Haukland, ei av baksideskrivarane i avisa:

"På vei inn i et kjøpesenter i sommer ble jeg oppmerksom på en kvinne som stod bak disken i en motebutikk. Jeg gikk inn og fant meg en ny sommerskjorte. Vi snakket litt sammen, hun viste meg hvordan skjerf skal knytes for tiden(!) før jeg betalte og gikk videre. Etter en time var jeg ute av kjøpesenteret og på vei hjem der jeg bodde for anledningen.

I den friske lufta ble jeg stille nok i mitt hjerte til å høre en forsiktig stemme som oppmuntret meg kraftig. "Gå tilbake til henne bak disken." Det kom som en oppdrift innenfra, typisk for hvordan Den Hellige Ånd iblant taler til meg. Jeg dro litt på det. Jeg hadde det ganske travelt, noen skulle snart komme innom der jeg bodde. Jeg hadde gått forbi allerede, var det helt sikkert at jeg skulle tilbake?!

Stemmen ga seg ikke, så til slutt gikk jeg tilbake til butikken. Jeg bestemte meg for å gi henne evangeliet, og bad til Gud om at kundene skulle være opptatt rundt stativene mens vi snakket.

"Jeg vet at du er på jobb, så jeg skal ikke forstyrre deg lenge," sa jeg. Hun nikket gjenkjennende til meg og smilte. "Nei, vær så snill og forstyrr meg!" sa kvinnen med glød i blikket. Så fortalte jeg henne om Jesus, tårene kom og hun fortalte om sin lengsel etter balanse i livet. Tårene trillet mens jeg fortalte om at Jesu tilgivelse er det eneste som kan gi oss sann balanse innenfra og ut.

Da jeg gikk ut av kjøpesenteret for andre gang den dagen, hørte jeg ordene hennes ringe i meg. "Vær så snill og forstyrr meg." Jeg tror det er mange flere enn henne som ber oss om å forstyrre!"

Eg trur det er eit poeng i denne forteljinga, og sjølv om det mange gongar kan virke vanskeleg å vitne om Jesus, trur eg igrunn vi kan ha frimod til å stå fram, både fordi folk er søkande og fordi vi har Den sterkaste på vår side!

PS: No har vi vore og vaksinert oss! For tyfoidfeber, difteri, kikhoste og stivkrampe. Kjenner det litt i armen, ja.. Men det går fint:) No har eg fått meg lunsj og greier, så om ein time tenker eg å ta den første porsjonen drikkevaksine. Ein skal ha total faste i ein time før og ein time etter denne vaksina. Har høyrt at den ikkje bør smakast på før ein heller i seg... Resept på malariatablettar har vi òg fått. Spennande;)

Til inspirasjon

2009-08-30T19:54:00.004+02:00

Noko kan få ein til å reflektere over livet.
Her er visdomsord #7 og #8:

Etter tekst av Linda Helen Haukland på baksida av DagenMagazinet: Slik to bekkar blir ei større og kraftigare elv når dei møtest, blir to menneske sterkare når dei står i lag.

Albert Einstein: Prøv ikke å bli vellykket, prøv heller å bli et verdifullt menneske.

PS: No er billettane til Madagaskar i boks! Tur/retur Bergen-Madagaskar vart ein sum på nette 9179,30! Litt skummelt; no er der ingen veg tilbake:O Men det blir knallbra:D

Madagaskar!!!

2009-08-25T16:38:00.004+02:00

No er det endeleg bestemt: I oktober skal eg og fire venninner i utanlandspraksis til Madagaskar!!! Hurra!

Her er nokre bilete eg fann på nettet:

Vi skal til byen Fandriana og ha praksis på ein skule der
Madagaskar er det einaste landet i verda der ein finn lemurar naturleg
Madagaskar er òg kjent for desse uvanlege trea; baobab-trea
(ser ut som dei veks opp ned)

God fiskemiddag!

2009-08-21T08:44:00.003+02:00

Biletet er henta frå kundeavisa til Ica Supermarked, veke 34, -09
I går laga eg ein av dei beste fiskemiddagane eg har smakt, etter oppskrift frå eit middagstips i kundeavisa til Ica Supermarked denne veka; Foliebakt torskefilet med grønsaker. Fisken eg brukte var ikkje heilt tint, og måtte difor stå i omnen ganske lenge, men om den er tint skulle det etter oppskrifta ta 15 min i 200 grader. Middagen er ferdig når grønsakene er møyrna og fisken begynner å skive seg litt.

Eg modifiserte oppskrifta litt og brukte squash, løk og paprika i stavar, strøydde desse med salt og pepar, la fiskestykka oppå dette og strøydde desse òg med salt og pepar, før eg plasserte ein smørklatt på kvart av fiskestykka. Dette pakka eg inn i aluminiumsfolie og plasserte det i omnen. Serverte med poteter og hollandaisesaus frå Toro til:) Nydeleg!

Fisk er i utgangspunktet dyrt, men med torskefilet i First Price-pakkar blir det ikkje så verst pris. Eg kjøpte ein 800 g pakke til kr 39,90 og brukte seks av elleve stykker i pakken. Det, saman med 3/4 squash, ein løk og ein paprika, vart nok til middag til tre, samt ein miniporsjon til. Som oppskrifta seier (kan lastast ned på Ica sine sider denne veka) kan ein bruke purre og brokkoli som grønsaker òg. Gulrot og kålerabi og andre grønsaker kan òg brukast, men tek kanskje lenger tid å steike.

Gran Torino

2009-08-16T16:10:00.006+02:00

Dette biletet er henta frå IMDB (The Internet Movie Database) og viser coveret på ein bra film eg har sett i dag; Gran Torino! Den rår eg dykk til å sjå; språket er voldsomt, men historia er nydeleg!

Etter ei flott halvanna veke i Vik reiste eg heim til ei flott halvanna veke heime. Eg reiste med bussen ein onsdag, og torsdag kveld reiste vi, heile familien, til Åheimsfjellet og Kvilehytta, der vi hadde leigt oss tak over hovudet for eit par netter. Fredagen kl. 12 var det gravferd for oldemor på Larsneset. Ho hadde blitt 100 år i oktober, men det gjekk raskt heilt på slutten, så det var nok godt for ho å sleppe. Trist likevel, for oss som er att. Eg spelte fløyte i gravferda. Det var flott å kunne trøyste meg sjølv og andre med tonane, og fint å gjere ære på oldemor!

Laurdagen reiste PK tilbake til Bergen, i og med at han skulle på jobb, medan vi andre drog til Hagevik og var med på open dag på tønnefabrikken (sjå gjerne info og bilete om fabrikken og staden her). Vi var der og hjelpte til ei stund, men då det meste såg ut til å gå på skinner, bestemte eg, JE og pappa oss etter litt om og men for å gå oss ein tur på Skolma, eit fjell i nærleiken. Eg hadde ikkje heilt trudd at vi kom oss heilt opp, men jammen gjorde vi det (trass i at eg var med.. JE og pappa er flinke til å oppmuntre;)). På toppen fann vi ei postkasse (!) der det låg ei bok til å notere når ein hadde vore på toppen og kven ein var. Vi skreiv oss inn, og bestemte oss for å gå ein annan veg ned att. Vi gjekk først på ein sti, men måtte gå av den for å komme oss nedover. Så vi skrådde av stien og gjekk nedover ei bratt li med steinar og lyng. Eg var ikkje så høg i hatten der eg gjekk; trur eg har litt høgdeskrekk... Eg anstrengte meg for å finne trygg landing for beina, og det var mest sannsynleg det som gjorde til at eg fekk frykteleg vondt i knea i løpet av nedoverturen. Men vi kom oss no ned til slutt og tilbake til Hagevika og tønnefabrikken.

Då vi kom tilbake dit var eg ganske sliten. Men det var tid for mat, og dei som ikkje var med på tur hadde ordna med mykje god grillmat, salat og melon. Det vart eit herremåltid for 18 personar og ein hund på buda den kvelden:) Ei stund etterpå reiste gjengen med unge vaksne, dvs. meg, tre av søskenbarna mine og forloveden til eine søskenbarnet mitt, ut til Skjærbuda pub på øya Silda (sjå bileta, henta frå vivest.no sine sider om Silda). Vi sat ute i den fine kvelden og prata om laust og fast. Kos:)

Vi fekk overnatte i hytta til onkelen min i Hagevik, og reiste heimover ganske tidleg neste dag. Slik fekk vi slappe litt av heime òg, siste feriedagen til mamma og pappa.

Resten av veka gjekk slag i slag. Det vart ein del bærplukking, sylting og safting. No er mykje av vinterlageret sikra:) Flott å vere heime! Fekk til og med lært vekk Bohnanza til mamma og AM, og det er ikkje verst. Kos:)

Tysdag var tida komen for å reise tilbake til Bergen. Ville ha nokre dagar å ordne meg på før skulestart no på onsdag. Fekk stemt på kyrkjelydsråd og bispedømmeråd før eg sette meg på bussen. I Bergen møtte eg min kjære, og vi åt middag og hadde ein fin kveld. Fredag reiste vi med tog og buss til Vik, og har hatt ei fin helg her. Så er det tilbake til Bergen no, til skulestart for JB i morgon og eit par dagar med førebuingstid for meg før onsdag. Blir bra:D

Kort oppdatering og visdomsord #5 og #6

2009-07-25T14:03:00.006+02:00

Etter herlege dagar i Vik etter konserten med 3MA, reiste vi onsdag tilbake til Kråkenes, slik at vi kunne vere litt der og eg kunne få pakke skikkeleg, før vi reiste vidare. Vi kom heim seint og gjekk difor raskt til ro. Torsdagen brukte vi mellom anna til å reinske litt av jordbæråkeren for bær og rusk, JB hjelpte pappa med å rake unna gras medan han slo og eg rydda inne og fiksa og pakka. Den kvelden kom foreldra til JB på besøk og vi hadde kaffeslabberas i hagen, med rabarbrapai og is. Kos:)

Fredagen ordna vi oss og vende nasa sørover. Pausa i Bergen vart litt lengre enn planlagt (sjå forrige innlegg). Etter ein time var NAF på plass og etter litt om og men, fann han fram sikringa til alarmanlegget og drog den ut. Så no er det problemet ute av verda. Grunnen til alarmutløysinga meinte NAF-mannen kunne vere dårleg batteri i bilen eller ein anna fjernkontroll slik vi trudde, men det er ikkje sikkert kva som eigentleg gjorde det. Det viktigaste er at vi ikkje treng å tenke meir på det no:)

Då vi omsider kom oss vidare, reiste vi til Leirvik på Stord og besøkte ein kompis av JB der. Vi bestilte oss kinamat saman med han, og fekk sjå korleis han budde. Kjekt:)

Etter nokre timar der, reiste vi vidare til det endelege målet for turen denne dagen: heimen til Christine på Fjellhaug i Frakkagjerd i Tysvær. Der var vi i helga, før vi søndagen reiste vidare til Grimstad, bibelskulen, Sommar i Sør og Amigosfestivalen!

Den neste veka fekk vi bli kjende og fornya vennskapet med mange kjekke vaksne, tenåringar og barn i løpet av det som vart eit vellukka førsteforsøk av eit relativt nytt barneopplegg på Sommar i Sør; Amigosfestival!

Måndagskvelden, då vi hadde møtt tenåringane vi skulle vere leiarar saman med i løpet av festivalen og blitt litt kjende med dei, hadde eg ansvaret for ei andeleg fellesskapsavslutning av dagen. Det førte mellom anna fram til det femte visdomsordet i serien min:

Visdomsord #5: Ein høyrer best i stilla.

Då vi var ferdige med festivalen, bestemte vi oss for å reise same veg tilbake, og Christine og familien hennar tilbydde oss overnatting frå søndag til måndag som vi slo til på:) Kos! Her oppdaga eg ei utgåve av Anne Franks dagbok i bokhylla, og spurte om eg kunne få låne den. Det fekk eg:) Denne utgåva var usensurert og inneheldt alle nedtegningane hennar. Eg har ikkje lest den før, så det var interessant å få lest den! Noko av det som gjorde at Anne Frank skreiv dagbok, var at ho trengte nokon å fortelle om kjenslene sine til, og som ho nemner i boka:

Visdomsord #6: Papir er tolmodig.

Med Anne Franks dagbok og mange gode minne i bagasjen, reiste vi tilbake til Vik og slappar no av her:)

Mykje og mangt kan skje

2009-07-10T18:12:00.003+02:00

No til dømes sit eg og JB og ventar på NAF. JB meldte seg inn i natt rundt 1, og heldig var det, for i det han sat her og venta på at eg skulle skifte ut litt av bagasjen på hybelen, låste plutseleg bilen seg og alarmen vart sett i funksjon. Korleis det kan vere mogleg er ikkje godt å seie, i og med at fjernstyringa til systemet i bilen til JB har vore øydelagt ei god stund. Løysinga vi ser er at nokon i området her må ha same frekvens på billåsen sin, og dermed har alarmen til JB blitt aktivert samstundes. Ganske utruleg!

JB har heldigvis fått deaktivert hornet i bilen, slik at den ikkje lagar lyd, men nødlysa blinkar framleis no og då. Derfor ringte vi NAF for å høyre om dei kunne kome og hjelpe. Dei skulle komme innan ein time, sa dei. Får tru det går greit:)

Elles fekk eg gåve her hin dagen! Av JB:) I høve eitt år truloving den 19.juli:)

Eg fekk to ting som eg har ønska lenge: Ticket to ride og utvidingsspelet til Bohnanza -på tysk!!! Jippi! :D

Då eg opna eska, fann eg først mykje avispapir -på tysk:)

Men nederst fann eg gåva:
Ticket to ride og tysk Bohnanza-utviding!

Då eg etterpå rydda opp avispapiret, fann eg ei bonusgåve;
kryssord på tysk:D

Førdefestivalen -09 og 3MA

2009-07-08T14:51:00.006+02:00

Kvart år på denne tida har vi noko som heiter Førdefestivalen i Førde. Tidlegare heitte den Førde Internasjonale Folkemusikkfestival, eit namn som sa litt meir om innhaldet i festivalen. I løpet av intense dagar i starten av juli, denne gongen 2.-5.juli, kan ein få høyre og sjå folkemusikarar og -dansarar frå mange plassar i verda.

I år var eitt av dei kanskje største trekkplastera folkedansgruppa Frikar, kjent frå Eurovisjonen tidlegare i år, der dei dansa til Alexander Rybak sitt nummer.

Eg for min del skulle noko mykje viktigare denne helga (sjå JB att:D), og reiste difor ikkje på noko særleg av det som vart arrangert. Men då eg høyrde at mellom andre 3MA skulle opptre på utescene ved Førde Torg på fredagen, ville eg gjerne få med meg det! Det er nemleg ei gruppe som består av tre musikarar som speler på strengeinstrument og er frå tre land som startar på MA, nemleg Mali, Marokko og Madagaskar:) Og sidan eg skal i utanlandspraksis mest sannsynleg på Madagaskar måtte eg prøve å få med meg dette!

Lenge såg det ut til å spøke for den kulturelle utflukta mi, for det var snakk om at Tryggve, bror til JB, som eg skulle sitte på med, måtte reise torsdag kveld i staden, i og med at han hadde fått tannlegetime fredag. Men han avbestilte den, slik at vi kunne reise fredag ettermiddag som planlagt:) Fredag morgon var det òg ein del å gjere heime.. Konserten skulle starte 10.30, så eg tenkte at det sikkert heldt om eg stod opp rundt 9. Men då eg kom ned, hadde mamma starta med oppvasken, eg brukte lang tid i dusjen og klokka var plutseleg nærare 10 då eg kom opp att.. Og så måtte vi ha frukost og så gjekk tida. Vi var ikkje i Førde før klokka hadde passert 11.. Heldigvis var det ikkje berre 3MA som skulle opptre denne dagen. Der var òg to andre grupper, og det var desse som hadde begynt:D Første gruppa fekk vi ikkje med oss - dei hadde hatt halvtimen fram til 11. Gruppa som heldt på då vi kom var Kenge Kenge, ei perkusjons-, danse- og syngegruppe frå Kenya. Det var flott! Etterpå kom 3MA, som for høvet var 2MA, i og med at sistemann ikkje hadde komme fram enno. Heldigvis var Rajery, han frå Madagaskar, der med valihaen sin, eit slags bambusrør med strengar utanpå. Det vart ein flott liten halvtime med fascinerande afrikansk strengemusikk. Det såg ut som dei kosa seg på scena, og det gjorde vi som stod og høyrde på òg:)

Så no har eg eit nytt ønske på lista mi: albumet Rajery/Ballaké Sissoko/Driss El Maloumi frå gruppa 3MA:D

For høvet 2MA på scena;
her Ballaké Sissoko, ein av dei mest respekterte koraspelarane i Mali til venstre
og valiha-meisteren Rajery frå Madagaskar til høgre

Dei kosa seg på scena:)

God kommunikasjon både seg i mellom og mot publikum:)
Og sjå: Han speler veldig bra sjølv om eine handa er øydelagd!

Her er eit opptak av 3MA - høyr lyden av strengemeistrane:)

Molde - rosenes by og fødestaden min

2009-07-02T22:03:00.003+02:00

Utsikt over Molde frå Varden
(ja.. lauvtrea øydela litt..)
Torsdag kveld, rundt 19, altså for ei veke sidan omtrent, reiste eg, pappa og Ane Marte til Nord-Møre for å vere med i gravlegginga av eine onkelen til pappa. Den skulle gå føre seg kl. 13 fredagen.

Eg og pappa bytta på å køyre oppover, og vi kom fram omkring halv to om natta. Då møtte vi bestemor og Lady (hunden) i døra -dei hadde høyrt oss komme, og så var det rett i seng.

Etter gravferd og minnesamvær fredagen, tok vi med oss Bergsvein, Ingrid og Elise, onkelen min og døtrene hans/søskenbarna våre, samt Lady opp til Varvik-vatnet. Der har eg ikkje vore før, så det var kjekt å vere med på det. (Med unntak av rennande svette, kløande gras, svirrande fluger og stikkande knott...)

På laurdagen reiste vi til Molde. Det er rundt ein time køyring frå der bestemor bur, Varvika. Eg vart fødd på sjukehuset i Molde og vi budde der oppe, på Hjelset, dei to første leveåra mine. Men eg har aldri heilt gjort meg kjent i Molde, og det skulle vi prøve å rette opp denne dagen:)

Vi starta med ein tur på Roseby, eitt av kjøpesentera der. Pappa og Bergsvein skulle ein tur på Biltema, som låg like i nærleiken. Ingrid vart med dei, medan resten av oss gjekk på Roseby. Bestemor fann seg ein benk å kvile på, AM og Elise gjekk på leikebutikk og eg vandra litt rundt for å sjå:)

Vel ferdige der, reiste vi til torget i Molde og kjøpte oss is:) Der selte dei softis med sjokoladetrekk. Eg bestilte det (måtte jo prøve;)), men seljaren trudde eg meinte sjokoladestrø, fordi dei før meg ville ha det.. Jaja.. Var godt med sjokoladestrø òg;) Medan Bergsvein og bestemor gjekk for å finne bestemor ein hatt mot sola, gjekk vi andre opp på rådhustaket. Der har dei laga til med blomsterbed (med mange roser sjølvsagt;)) og benkar. Fint!

Rådhustaket låg i same plan som inngangen til domkyrkja. Der stod eit brurefølgje utanfor, og eg kjende faktisk ei av dei som stod der. Kjekt:) Bryllaupet var akkurat over og slik var kyrkja open og vi fekk teke ein kik inn. Den var stor og flott! Innvia i 1957, så ei forholdsvis moderne kyrkje:)

Lur idé til bønnepost for barn som ikkje er så stø på å skrive enno!
Dei ulike fargane på steinane står for ulike "bønnekategoriar".
(tips og triks som lærarstudenten plukkar opp;))
Etterpå reiste dei andre ein tur tilbake til Roseby for å finne hatt til bestemor, noko som ikkje hadde vore så lett å finne nær Torget. Då fekk eg gå tilbake og gjekk gjennom Storgata, hovudgata i Molde.

Til slutt på runden vår i Molde, reiste vi til Varden, byfjellet i Molde. Der var det fin utsikt over byen, trass i lauvskogen som hadde overteke ein del av den. Her låg det òg kart, både over fylket og byen, som ein kunne ta med eit eksemplar av. Kos:) (skal ikkje så mykje til for å glede meg;))

Det vart ein flott dag i Molde! Kan trygt seie eg kjenner byen litt betre no:)

Eg hadde i utgangspunktet vurdert å vere att nokre dagar hos bestemor, men fann ut at det var best å komme seg heim att. Som sagt så gjort. Eg og pappa reiste av garde rundt halv ti søndag morgon. Vi fekk med oss to av tantene til pappa på turen. Dei skulle til Larsneset, så vi køyrde om der tilbake. Det tek litt lengre tid og resulterer i dobbelt så mange ferjer, men slik fekk vi meir selskap på turen, og då vi kom fram til Larsneset og eine tanta hadde blitt henta, bad andre tanta oss inn på mat, før vi reiste vidare. Godt med kyllinglår og trekantbrød! Vidare reiste vi om Hagevika, der mamma er frå, for å hente med oss ein sofa etter bestefar. Rundt 20 var vi i Førde og litt før halv heime på Kråkenes att. Ei lang ferd, med andre ord.

Ane Marte derimot, vart att. Ho kjem heim med bussen i morgon. Litt seinare får eg sitte på med Tryggve, broren til JB, til Vik. Då skal eg få sjå min kjære att! Kan nesten ikkje vente;)

Surmjølk og blomeprakt

2009-07-01T21:16:00.006+02:00

I dag kunne JE komme heim og fortelje at naboen bruker maursyre når han skal lage surmjølk til kalvane. 2-3 dl maursyre til ei bøtte heilmjølk... Greitt nok at kyr et dei raraste ting, men dette hadde eg ikkje trudd:D

*******
Her på Kråkenes blomstrar det over alt. Det er kjekt å sjå! Mamma vann ein pakke med ulike løkar, alium, i kryssordet til Norsk Hagetidend ein gong, og dei har vi hatt mykje glede av. Her er ein av sortane; av oss døypt "tøffingane":D Dei veks først opp som lange strå, toppa med ei kule med ein spiss opp. Etter ei stund sprett dei ut som ulike stilleståande fyrverkeri! Som ei venninne ville sagt: Fascinerande;)

Stor dag!

2009-06-30T21:38:00.008+02:00

Dei som har sete i same klasserom som meg dei tre siste åra, veit at eg har halde på med eit broderi (!) av det kjende barnerombiletet av ein engel som våkar over ei jente og ein gut som går over ei lite solid bru. Starta på dette broderiet i påska før bibelskuleåret, altså påska -06, så vidt eg hugsar. I dag er dagen eg endeleg har blitt ferdig med korsstinga på dette broderiet!!!

Du får sjå ein større versjon av biletet om du trykker på det.
Nyt synet;)

Då var det "berre" atterstinga att... Og dei er det mange av!!! Det er nesten slik at eg berre er halvvegs no; slik ser det iallfall ut.. Kanskje bortimot 2/3 ferdig. Litt meir arbeid med korssting enn attersting, men det er mange av dei, ja...

Vi har fått oss vaktlam!

2009-06-24T22:24:00.003+02:00

Dei jagar ikkje akkurat vekk nokon...
Men dei veit iallfall å seie frå når der er nokon i nærleiken!
*masekoppar!*
Godt vi har dei inne i fjøset om natta:)

Visdomsord #4

2009-06-16T22:30:00.005+02:00

Denne gongen inspirert av ordtøka i Bibelen. Veit ikkje om du kan finne dette der, men det lyder iallfall som noko som kunne vore skrive der, og er noko erfaring viser.

Visdomsord #4: Harde ord avlar harde ord, men den vise tøymer tunga.

Det er
ikkje
berre eg
som er tankefull:)

Oppdatering og visdomsord #3

2009-06-15T22:55:00.006+02:00

Eg hadde store planer om å feire bursdagen min i Bergen òg, etter å ha vore heime og feira den.. Men så var det undervising og eksamenslesing og konfirmasjonen til John Eivind, broren min, og eksamen i norsk og matematikk. Og så vart det liksom ikkje tid... Fekk avslutta året på Sta Sunniva med lunsj på etasjen, og då hadde eg det som ei lita markering saman med dei. Det var kjekt!

Sjølv om feiringa ikkje var til å skryte av i Bergen (tek det kanskje att til hausetn?), hadde vi, eg og Ane Marte, lisjesystera mi, som òg har bursdag 1.mai (ho vart fødd på 11-årsdagen min:)), venneselskap med familien her heime. Det var kjekt!

Eg fekk meg mykje fint og kult!

sandalar og finsko av mamma og pappa
ein Vamp-cd, "Flua på veggen", av Bente, ei venninne av familien
ein plysj-radio av ein vennefamilie av oss (ja, du leste riktig;))
200 kr av tanta mi
ein blå Ligretto-boks av etasjefolka mine (Ingrid, Maria P., Maria H. og Anja), ein frå Per Kristian og ein frå Ane Marte og John Eivind, saman med ein pakke porsjonsstykke av Stratos - ikkje verst å få tre stk av ein pakke!! Fekk bytta to av dei - i bøker:D
Rummy og to pakkar snop, ein med saltsild og ein med bubblizzflasker, av Anne, Cathrine og Christine
handsfree til mobilen (som diverre ikkje fungerte så bra med mobilen min - dei vart uvener) og filmen "Drageløperen" av John Bjarne

Tusen takk, alle saman!!!

Eg hadde eksamen i norsk 29.mai og i matematikk 5.juni. Etter det har eg hatt ferie! Heilt fantastisk!!! Den første veka var eg og JB i Bergen. Kjekt å berre vere og slappe av og sortere arka frå året i perm og sånt. På onsdagen skulle JB på augesjekk - det såg glimrande ut i følgje legen:) Elles var vi på besøk hos kvarandre og naut det fine veret. Vart òg eit par kuleisar med melkesjokoladeis med browniesbitar i i løpet av veka:D Rett og slett veldig godt!

Sist fredag fekk eg somla meg til å rydde og pakke for sommaren, og så snudde vi nasa mot Vik. Der koste vi oss til morgonen i går. Då var vi tidleg oppe (kvart på sju for min del!) og tok ferja frå Vangsnes 07.35. Rundt 10 møtte vi mamma, pappa og Ane Marte i Lavik. Der sette JB att bilen og så reiste vi til Hyllestad og Lekva, der vi registrerte oss for og deretter utførte Lihest-klyvet! Strabasiøs ferd! Strålande sol, men enorme mengder fluer, bratte sti og litt kald vind mot toppen. Akkurat det var for så vidt fantastisk, når alternativet var 40 fluer per kvadratcentimeter hud (hugsa ikkje om talet var 40, men det var slik JB uttrykte det;)). Halvvegs kom vi til 3L-stølane (dvs. stølane til tre lokale bygder på L). Der fekk vi servert ei lokal energidrikk; Gygreskvetten. På toppen av Gygrekjeften fekk vi ein pin som takk for innsatsen, og der åt vi òg nista vår. Skal sei det smakte med ein nektarin då!!!

På veg ned att var JB så uheldig å miste mobilen sin. Pappa snudde halvvegs og gjekk opp på toppen att for å leite, men fann den ikkje. Det og diverse såre bein la ein dempar på stemninga, men vi var stolte over å ha gjennomført turen! Etter å ha fått av skoa, køyrt tilbake til Lavik, slukt tørsten med vatn vi hadde i bilen til JB, samt ete is, vende vi snuten kvar vår veg. JB køyrde til Bergen for siste skuleopplegg på ei stund og vi andre reiste heim att. På vegen stoppa vi i Vadheim og åt kveldsmat og plukka opp John Eivind i Førde då han kom frå Nordfjord med buss, etter å ha vore på leir på Fjordly i helga.

Vel heime fekk eg helse på dei to lamma vi har fått tak i! Dei var søte! Eg gjekk òg ein tur i hagen saman med mamma og fekk oppdatering på kva som har skjedd sidan sist. Jordbærplantene står i full blom, og det ser ut som vi kjem til å få mykje eple:) Ei herleg årstid vi er inne i!

I dag rådde eg grunnen åleine, i og med at både mamma og pappa var på jobb, og JE og AM var på skulen. Eg låg ei stund, laga meg fruktsalat (eit eple, ei appelsin, ein del av ei banan dekt med melonyoghurt og pynta med valnøttstrø) til frukost, fekk sett på og rydda ut av oppvaskemaskina, teke oppvasken av tinga som skal vaskast "manuelt" og vaska tre maskiner med klede, i tillegg til å ha laga fiskesuppe (!) til middag. Ein aktiv dag med andre ord, der eg brukte mykje tid på kjøkkenet. Der har vi ein cd-spelar ståande, og i dag høyrde eg litt på plata til Sølvi Helen Hopland som heiter "Ein løvetann". På den er det mange flotte både melodiar og tekstar. I ein av dei syng ho om det eg har plukka ut som denne gongens visdomsord, fritt sitert.

Visdomsord #3: Ein kan ikkje kladde i livsens bok.

Om aforismar og visdomsord #2

2009-06-12T10:52:00.003+02:00

I tidande klasse hadde vi om aforismar, og eg hugsar det som om det var i går. I følge ordboka mi, Escolas ordbok (den blå:)), er ein aforisme ei "setning som kort og treffande uttrykkjer eit poeng". Grunnen til at eg hugsar denne hendinga, var at eg ikkje heilt forstod vitsen med å ha om dette, medan venninna mi kom på den eine aforismen etter den andre. Har tenkt litt på dette gjennom åra, og komme på nokre sjølv òg etter kvart:)

Den første venninna mi fortalte meg var

Visdomsord #2 (omtrentleg gjengitt): Det er lite lurt å klø seg i andre auget med same finger ein brukte i auget ein har augebetennelse i.

Læraren stod der med oss, og han utbraut: "Den var djup!" Eg tok han ikkje med det same må eg innrømme; men den var ganske glup når eg fekk tenkt meg om. Tok du den?

Visdomsord #1

2009-06-11T00:10:00.011+02:00

Dette er det 75. innlegget på denne bloggen, og det vil eg feire ved å innføre ein ny serie: Visdomsord! Det gjenstår å sjå kor lang serien blir, men dette er iallfall ein start:)

#1: Livet er samansett av bagatellar.

Eg kan ikkje garantere at visdomsorda utelukkande kjem frå hovudet mitt. Men dette har eg inga anna kjelde på. Kjem til å oppgi kjelde om eg har det. Veit du om andre som har sagt noko liknande kan du jo kommentere det:) Denne gongen var det i ein konkret situasjon/samtale med truloveden min som utløyste visdomsordet:D

Til slutt, på tampen; eit tips til interessant teikneprogram på nettet:
http://www.butterflystation.net/arcade/exotic/Grappa.html

My own SWIRLS :D

Eg ønskjer meg fred

2009-04-27T12:32:00.003+02:00

Det nærmar seg 22-årsdagen min, og eg er blitt spurt nokre gongar om kva eg ønskjer meg. Eg har svart med at eg skal legge ut ønskeliste på bloggen min, så her kjem den. Den er ikkje skriven i prioritert rekkefølge.

Eg ønskjer meg:

Flaxlodd - for spenning i kvardagen

Brettspela Ticket to Ride og Rummy/Rummikub

Utviding av kortspelet Bohnanza - NB: Tysk utgåve!

Blå boks av kortspelet Ligretto

Pengar - alltid greitt å ha!

Brev/ kort i posten:D

Skrivebordslampe

24-delars sett med bestikket Svaberg, 18/10 rustfritt stål

6 tallerkenar og 6 djupe tallerkenar, samt serveringsfat av sitrondesignet til Ferdinand Finne frå Porsgrund

Verktysett (gjerne lite og nett, som er greitt å flytte med seg og til å skru/hamre oppheng til bilete og andre ting som skal på veggen)

Boka Fra Hellas til Happening (kjekk bok om teaterhistorie)

Boka Hva i all verden? av Jan Rantrud (om skaping, skrive av KRL-læraren min frå NLA)

Boka Tidebønn frå Efrem forlag (opplegg til typisk morgonmesser og kveldsbøner, lik dei som er her på Sta. Sunniva)

Musikk (gjerne Shawn McDonald (albuma Ripen og Roots), Michael W. Smith (albuma I 2 Eye og The first decade), Rebecca St. James (albuma 2 for 1- God/Transform, The Early Years og Worship God), Vamp (albuma Horisonter, 13 humler, Folken, En annen sol, Siste stikk, Flua på veggen og St. Mandag), David Phelps (albumet The Voice), Secret Garden (albuma Once In A Red Moon, Earthsongs, Songs From A Secret Garden, White Stones og Inside I'm Singing) og elles anna musikk med gode tekstar og melodiøs komposisjon, gjerne med meir uvanlege instrument som fløyte, fele, kontrabass, sekkepipe, trompet, klarinett, obo, fagott og anna digg)

Abonnement på magasinet Strek

Innramming til BiG-biletssamlinga og måleriet eg kjøpte i Ecuador, samt eit måleri eg og JB kjøpte av ein dørseljar (høyrte eg nokon nemne gåvekort? gjerne det!)

Dette er det eg førebels har på denne lista, men eg blir glad for det meste:)

The show must go on!

2009-04-14T21:30:00.007+02:00

Noko av det eg har lært her i livet, er at det går vidare. Ein kjem seg gjennom ting. Om ein har mykje på agendaen, og eigentleg ikkje ser enden på alt ein har å gjere, og eigentleg ikkje vil anna enn å legge seg ned og sove, då kan det gå trått. Men ein får gjort ting, om ikkje anna så iallfall smått om senn.

I dag hadde vi forprøve i norsk, om setningsanalyse og elevtekstanalyse og grammatikkundervising i eit didaktisk perspektiv. Eg var litt uroleg for at eg kanskje hadde teke litt for lett på lesinga i påska, men det var ikkje nødvendig. Eg trur prøva gjekk heilt greitt, og meir har eg igrunn ikkje forventingar om.

Vi har fått att vurdering på aksjonsforskingrapporten, og for dei som ikkje har fått med seg det, var det verkeleg eit herk å skrive den oppgåva. Opplegget rundt var ganske frustrerande, og der var mykje som mangla på at vi hadde den informasjonen vi syntest vi trengte for å skrive ein god rapport. I det store og det heile eit lite motiverande prosjekt. Eg vurderte å ta dette prosjektet eit seinare år fordi eg var utslitt av alt vi hadde å gjere, men kom meg no gjennom. Og heldig var det, for tilbakemeldinga vart slett ikkje så verst:)

Og som tidlegare nemnt fekk vi gjennomført samproduksjon til gode kritikkar:)

No er våren her, og eg har kost meg i påska, først i Vik og deretter på Kråkenes med besøk av bestemor, onkel Bergsvein og døtrene hans. Vi fekk ut båten og var på stranda og grilla og brente boss og riktig koste oss. Kjempekjekt!

Livet er herleg!

Biletet har eigentleg ikkje så stor samanheng til teksten, men viser litt korleis eg har det for tida. Som desse klarer eg å nyte livet midt i alt eg har å gjere;)

Påske!

2009-04-05T13:52:00.003+02:00

Eg må berre få uttrykke mi lukke over at ferien endeleg er her!
Fantastisk!

Vi er ferdige med samproduksjonen, ein stormande suksess! Eg spelte dokka (tankeverdenen) til hovudpersonen i stykket. Spennande:)

Elles har eg levert inn siste arbeidskravet i estetiske fag, så no er det faktisk berre eksamen att. Den skal vere 21.-24.april, altså ei veke etter at påska er ferdig. Før den tid skal eg ha forprøve i norsk om elevtekstanalyse og setningsanalyse, samt siste samling med KRL med framføring av gruppesamarbeidet om Egil Hovland sitt verk Bli hos oss, som saman med praksisrapporten frå undervisninga eg hadde i RLE på sjette trinn (som eg òg må skrive i løpet av påska) er dei to siste arbeidskrava i det faget. (Det blir altså ikkje berre ferie på meg denne påska...) Deretter er det berre eksamen att i KRL 2 òg; ein fem dagars heimeeksamen frå 13.-19.mai. Etter det er det norsk- og matematikkundervisning att av året før eksamenane i dei faga på skulen høvesvis 29. mai og 5. juni. Då er tida inne for sommarferie!!! Det skal bli fantastisk godt!

Skrivefart

2009-03-22T00:31:00.004+01:00

Ei venninne fann ut at dette var godt tidsfordriv for høggravide, og eg kan meddele at det er godt tidsfordriv for folk som ikkje er høggravide òg:) Kanskje ikkje heilt korrekt måte å teste skrivefart på, men det gir no ein viss indikasjon:)

75 ord

Planar

2009-03-17T23:58:00.002+01:00

Eg har mange planar. Neste år er det berre 30 studiepoeng som er obligatoriske; resten er valfag. Eg har søkt på matematikk og leiing i skulen. Trur det blir bra. Neste år blir det òg opna for alternativ praksis, og saman med fire venninner har eg søkt om å få reise til Madagaskar og ha praksis der! Så forhåpentlegvis blir det fem veker på Madagaskar til hausten ein gong (fire til praksis og ei til ferie) - store ting!

Men planane mine kan vere vel og bra dei. Christine har skrive litt om kva han snakka om, talaren på Salem på laurdag. Livet mitt er jo eigentleg ikkje mitt, no når eg høyrer til Jesus! Han tok med livet mitt på korset og eg fekk hans! Men lever eg slik? Er alt det eg gjer noko Jesus ville gjort? Gjer eg alt det Jesus ville gjort? Klarer eg å disponere og prioritere tida mi på ein måte som gjer Jesus glad?

Det er noko å streve etter! Eg klarer det ikkje - men kanskje eg kan klare det meir og meir? Dersom eg fokuserer og let meg sjølv bli prega av Hans kjærleik?

Det er godt vi har nåden.

Spel, syng og ver glad

2009-03-13T23:22:00.005+01:00

Der er mange kjekke spel i verda! Kortspel og dataspel og brettspel og munnspel. Nokre spel er kjekkare enn andre, og kan brukast i mange sosiale samanhengar. Nokre av mine favorittar er

kortspela

og brettspela

Uno er ein gammal slager, som kan få sin renessanse i ulike variantar som til dømes "Killer-Uno" (veldig populært som tidsfordriv dei ni timane med venting på flyplassen i Amsterdam, før flyet til Ecuador skulle gå, for omtrent to år og to månader sidan), medan Ligretto og Bohnanza er kortspel som har komme med storm. Veldig kjekt, sjølv om det kan gå heitt for seg;)

Othello er eit grublespel for to personar; det tek eitt minutt å lære, men eit liv å meistre. Kan gi utfordringar til einkvar:) Rummikub, eller Rummy, kan ein òg spele med kort, men ein treng ein kortstokk kvar. Dette er òg eit grublespel, men som fleire personar kan vere med på. Settlers og Ticket to ride er strategispel, og har kvar sine "spesialitetar" - Settlers blir spelt med ei speleplate som blir bygd opp på nytt kvar gong, og Ticket to ride er noko så sjeldant som eit brettspel utan terningar:D

Reklame eller informasjon for den kjeksglade

2009-03-10T22:30:00.004+01:00

Denne veka har dei tilbod på alle typar kjeks på Coop Mega; -40%!!!

Mine beste tips:

Enjoy:)

FERDIG MED AKSJONSFORSKNING

2009-03-06T21:14:00.003+01:00

Iallfall for denne gong. Satsar på at vi er heilt ferdige, at den blir godkjent og at vi slepp å gjere noko meir med den før eventuelt til matematikkeksamen til neste år...

Er passe lei, for å seie det slik.

Men no har eg berre tre arbeidskrav, ei forprøve og fire eksamenar igjen dette året og så er det sommarferie!!! :D

Riktignok er det eine arbeidskravet samproduksjonen i estetiske fag - det neste fjellet på programmet. Men når vi er ferdig med den er det omtrent berre eksamenar igjen:)

Det gjeld å halde motet oppe og sjå enden.

Liv

2009-02-25T19:59:00.001+01:00

Liv kjem og liv går.

Gud gav oss tida for at ikkje alt skulle skje samstundes.

Underenes tid er ikke forbi!

2009-02-23T20:01:00.005+01:00

Klok av skade (sist måndag på datarommet var så og seie kaos) klarte eg i dag å bli samd med 23 sjetteklassingar om fire reglar, som skulle gjelde når vi var på datarommet:

1. Ikkje snakke med sidemannen
2. Ikkje bråke og berre hviske når ein skal ha hjelp
3. Rette opp handa når ein lurer på noko
4. Ikkje gå inn på ikkje-relevante sider

Er nesten litt stolt her eg sit:D Beste dataromtime eg har hatt:)

Cristóbal Moreno Toledo

2009-02-17T19:34:00.004+01:00

Obs, obs! Her kjem mimring frå langt tilbake. Håpar det går greitt:)

Den gong (for veldig lenge sidan :p) eg enno budde heime, dekorerte eg rommet mitt med alt mogleg. Eg var så lite glad i tapetet som "pryda" veggen på rommet mitt at eg hengte opp teikningar, plakatar, bilete og meir for å skjule mest mogleg av den. Noko av det eg vart spesielt glad i å henge opp, var dei små biletkopiane frå kalendarane frå Munn- og Fotmalende Kunstneres Forlag. Etter kvart begynte eg å ønske meg desse kalendarane til jul, og kan no seie at eg har ei ganske respektabel samling av 12,5x13 cm små bilete med mangfoldige motiv - og nokre er finare enn andre. Kalendaren frå 2007 fekk eg ikkje til jul året før - den vart gløymt. Men eg fekk den seinare, då den plutseleg dukka opp att. Då tok eg den ikkje i bruk, men hadde den med.

I dag bestemte eg meg for å klippe vekk kalendaren og gjere bileta klar til opphenging (sjølv om eg ikkje kjem til å henge dei opp på ei stund, kjenner eg meg sjølv rett). To av bileta i denne kalendaren likte eg særskilt godt - bileta frå september (Gylden høst av Boonhome Kotchompoo) og desember (Et barn er født av Cristóbal Moreno Toledo). Begge desse bileta var malte med munnen, og imponert som eg blir av slike bragder, bestemte eg meg for at eg ville prøve å søke dei fram på nettet for å kunne vise dei fram her på bloggen min. Det klarte eg ikkje, men fann dette biletet du ser her for å vise litt av måleteknikken til Toledo, og òg eit vakkert motiv.

Som ei oppfølging av forrige post - eit engelsk ord: Enjoy! ;)

Yeah, yeah!

2009-02-16T22:41:00.003+01:00

Det er eit mykje brukt uttrykk i lydboka eg høyrer på for tida: Lærer'n av Frank McCourt. Ord brukt til å uttrykke både glede og svar på læraren sine spørsmål. Kan for så vidt anbefale boka - spennande og fengande om ein lærar sitt virke.

Yeah, yeah, kan òg skildre kjensla eg no sit med; det å vite at eg ikkje skal på praksisskulen i morgon, men ut på NLA. Og eg er ikkje nøydd til å stå opp halv sju for å nå skulen, men kan faktisk sove til nærare åtte! Fantastisk:D Vi skal riktignok arbeide med aksjonsforsking og skrive rapport, men det er likevel anstrengande på ein heilt anna måte enn å vere på praksisskulen.

Yeah, yeah!

Pust og pes

2009-02-15T17:02:00.003+01:00

Dette ordparet kan uttrykke den nødvendige balansen mellom arbeid og kvile, som er så viktig for alle menneske. Vi treng alle å kvile innimellom, til og med Jesus trengte det - Han var eit menneske Han òg.

Og vi treng å arbeide. Vi treng å vite at vi gjer noko viktig, noko som betyr ein skilnad - vi treng å vite at vi duger til noko, at vi får til noko, og at nokon ser oss. Under arbeid kan vi la tankane vandre, eller bli så oppslukt at vi slepp tankespinnet. Begge deler kan vere ei velsigning.

For min del har livet vore mykje pes i det siste. Eg har vore kraftig forkjøla, og hatt fleire ballar i lufta enn kva eg strengt teke burde ha for å halde meg over vatnet. Det har ført meg ned i ein dal, men òg inn i ei erkjenning av at det ikkje er mogleg å gjere alt perfekt heile tida. Fantastisk. Og eg er på veg oppover att.

JULEFERIE!!!!!!!

2008-12-15T10:33:00.003+01:00

No er det verkeleg juleferie!

Eksamen er unnagjort, og resultatet kjem i morgon. Kan bli spennande, men satsa på bestått. Greitt når det berre er to karakterar å velje mellom:)

I dag går nok resten av dagen med til å sose, handle julepresangar, pakke dei inn, slappe av, ete graut på adventsfest her på huset, rett og slett kooose meg:D Blir bra:)

Ønskar alle som ikkje har teke eksamen enno all mogleg lukke til!!!

Juleferie!!!

2008-12-08T20:32:00.007+01:00

...om ei veke....

Jau, no kan du tru eg gler meg til å sleppe og tenke meir på skule på ei stund. Riktignok blir vi slengt rett ut i valfagsperiode rett etter jul, 5. januar, men før det håpar eg at eg rekk å til og med kjede meg litt. Det skal visstnok vere sunt, har eg høyrt.

Kanskje eg får investert litt tid på å reflektere over det som verkeleg er jula sin bodskap?

PS: Skal nok tenke litt på Josef òg, stakkar, som ikkje vart teken med på dette biletet, som for øvrig er frå eit australsk frimerke. Den merksame lesar, vil sjå at i nedste høgre hjørnet står der eit tal, som seier kva for eit år nettopp dette motivet var på julefrimerka down under:)

Fortvilt

2008-12-07T18:03:00.002+01:00

Kva skal ein gjere på ein grå dag?

Kva skal ein gjere om ting virkar meiningslaust og ein ikkje har verken motivasjon eller vilje til å gjere det ein må?

Kvifor er alt så tungt akkurat no?

Generelle råd, vink og praktiske løysingar blir mottekne med takk!

ØNSKELISTE

2008-12-06T17:26:00.018+01:00

Kva skal ein ønske seg då? Når ein har alt, bortsett frå nok tid (til å gjere både det ein bør og det ein vil) og nok motivasjon til skulearbeid og andre ting ein helst vil sleppe å gjere?
Finst det noko som kan rette på det? Tek med glede imot råd for det!

Elles kan det jo vere greitt å tenke litt over kva ein ønskjer seg, slik at ein kanksje får noko ein sjølv har tenkt gjennom kan vere kjekt og nyttig.

Eg gjer eit forsøk, og understrekar at ønska ikkje nødvendigvis kjem i prioritert rekkefølge:

- hårstrikk tynne som vanlege gummistrikk (har for tida mange som er slitne eller berre forsvinn, så treng ei påfylling)
- skrivebordslampe (for å få godt arbeidslys på min o, store skrivepult som eg henta på gjenvinningsstasjonen)
- brettspelet Ticket to Ride (gir meg ikkje)
- Utviding av kortspelet Bohnanza (NB: MÅ vere i tysk utgåve!!!)
- Kortspelet Ligretto (kjekkaste kortspelet! Gjerne grøn boks)
- Pengar (alltid greitt å ha, sjølv om det kanskje ikkje er det som er mest vanleg å gi vekk til jul..)
- 24-delars sett med bestikket Svaberg, 18/10 rustfritt stål (for å få 48 delar til saman..)
- 6 tallerkenar og 6 djupe tallerkenar av sitrondesignet til Ferdinand Finne frå Porsgrund (for å få 12 av kvar..)
- vasskokar (til te, kaffe, kakao - enkelt og greitt)
- krokodulle (kul, kulare, kulast)
- ullefant (søt, søtare, søtast)
- Brev/ kort i posten (det er så koooseleg! og så får eg frimerke til samlinga mi;))
- verktysett (gjerne lite og nett, som er greitt å flytte med seg og til å skru/hamre oppheng til bilete og andre ting som skal på veggen)
- ark til skrivar (har tenkt å ta med ein gammal skrivar heimefrå og nytte meg av den; så treng berre arka)
- kalendar frå Førde Skulemusikkorps (trufast tilhengjar)
- Bøkene Spektro/Musikal. Om tverrfaglige prosjekt i skolen med utgangspunkt i musikk, kreativitet og estetikk. og Fra Hellas til Happening. (pensumbøker til estetiske fag som eg ikkje har fått tak i enno)
- boka Hva i all verden? av Jan Rantrud (om skaping, skrive av KRL-læraren min frå NLA - bra kar! - få innblikk her)
- den nye boka Tidebønn frå Efrem forlag (opplegg til typisk morgonmesser og kveldsbøner, lik dei som er her på Sta. Sunniva)
- musikk (gjerne Michal W. Smith, Rebecca St. James, Shawn McDonald, Vamp, David Phelps, Secret Garden, musikk med gode tekstar og melodiøs komposisjon, gjerne med meir uvanlege instrument som fløyte, fele, kontrabass, sekkepipe og anna digg)
- heftet Sanger fra Taizè og cden Tillit på jorden, med songar frå Taizè (det blir arrangert Taizè-messer her kvar tysdag 21.30 - den er open for alle, så ver velkommen!
- abonnement på magasinet Strek (virkar interessant)
- innramming til BiG-biletssamlinga og måleriet eg kjøpte i Ecuador, samt eit måleri eg og JB kjøpte av ein dørseljar (høyrte eg nokon nemne gåvekort? gjerne det!)

Wow.. Vart jo faktisk ein del dette... Fantastisk!

Telefonsamtale

2008-12-06T17:21:00.002+01:00

Omtrentleg gjengitt

Mamma: Ka du ønska deg t jul då, Solveig?
Solveig: Nei, veitsje eg.. Har du sjekka ønskelista på bloggen min; den frå bursdagen?
Mamma: Ja.. Men d va ikkje så mykje igjen på den..
Solveig (sjekkar ut): Hmm.. D har du rett i.. Kanskje eg burde oppdatere den litt?
*pause*
Mamma: Jo, d e jo kanskje en idè...
Solveig: Du har rett.. Men d e jammen ikkje enkelt.. Veit liksom ikkje ka eg ska ønske meg. Har jo igrunn alt eg trenge og vel så d... Får sjå..

Toving og filting

2008-11-22T14:20:00.004+01:00

Hei og hopp, alle saman!

I den siste tida har eg tenkt mykje på toving og filting; først og fremst fordi eg har hatt det som kunst- og handverks-opplegg i praksisperioden som nettopp er ferdig (feels great!), på tredje trinn.

Forrige fredag tova vi grå ull til eit sitteunderlag, ved hjelp av grønsåpe og vatn, og i går filta vi på mønster i ulike fargar med filtenål.

Her er mitt forsøk:

Resultata til elevane vart flotte:) Dersom du er nysgjerrig på korleis ein kan arbeide med ull på denne måten, vil eg anbefale denne sida:
http://karivo.wordpress.com/2008/09/17/toving-og-filting-i-ull/

Og kvardagen er drit?

2008-10-11T14:26:00.002+02:00

Vel, nei... Eigentleg ikkje. Eg har det bra, på mange måtar:)

Men når skulearbeidet og andre kjedelege, men nødvendige, oppgåver hopar seg opp, og ein eigentleg ikkje har tid til å gjere det ein har mest lyst til - å vere saman med kjærasten og gode vener, leike med PC-spel og liknande, lese bøker ein har lyst til å lese og ta det med ro i helgene - då blir det kjedeleg og leitt...

Greitt nok at studiet no er jobben min - det eg skal leve av, men likevel - ein jobb er trass alt som regel ferdig ein gong, og ein har eit relativt greitt skilje mellom arbeid og fritid. Studium derimot er mykje tyngre - ein skal lære noko, og då er det ikkje nok å berre vere til stades på skulen - ein må òg lese og gjere oppgåver, slik at ein lærer seg stoffet. Ein får heller ikkje sjølv bestemme tempoet - neida, her er det innlevering på innlevering med fristar her og der. Eigentleg eit slit, dette...

På den andre sida - folk seier ein skal nyte studenttida - fridomen og ungdomen.. Jaudå...

Vel.. Dei fleste kan vel vere samde om at det er kjekt når ein er i rute med ting, og når det er mogleg å setje andre ting til sida, for å gjere ting ein heller har lyst til. Det er digg!

Innvendingar?

Haustferie er digg!!!(spesielt når ein er ferdig med oppgåve i pedagogikk)

2008-09-28T00:34:00.003+02:00

Men når det er sagt, har eg tenkt å jobbe med skulearbeid òg i kommande veke, studieveka dette haustsemesteret, populært kalla haustferien:)

Uansett er det godt å vere ferdig med endå eitt av dei ørten arbeidskrava vi må gjennom i ulike fag for å kunne gå opp til eksamen. Tenk å måtte gå gjennom så mykje slit, berre for å få lov til å gå opp til eksamen... Nesten litt skuffa... Men, men.. Vi får iallfall lært mykje meir, noko som kan vere positivt;)

Elles har eg flytta inn på ein studentheim her i Bergen, og liker meg godt! Det har begynt å flakse seg på rommet, etter mykje om og men, og folka som bur her er skikkeleg greie! Sjølv om det ikkje skulle så mykje til for at eg skulle like meg, har eg verkeleg fått i overmål! Har framleis litt kasser ståande på rommet, men satsa på å få rydda skikkeleg her snart.. Kanskje i løpet av "ferien"?

Skulen går det greitt med, sjølv om det har vore travelt. Det vart nok litt sommarjobbing for tett inn til skulestart, så får notere meg det bak øyret til neste år:) Hadde vore greitt å komme i orden før skulestart, slik at ein då kunne konsentrere seg først og fremst om skulearbeid, og ikkje rydding...

Helg er fint.

Sommarferie er digg!! (..iallfall når en har fri...)

2008-08-04T00:09:00.003+02:00

Jepp, jepp:) Akkurat no har eg fri og nyyyte det! Etter munnleg eksamen i KRL den 2. juni reiste eg (4.juni) saman med lisjesystera mi, Ane Marte, på besøk til nokre vener av oss i nærleiken av Vadsø. Der var vi ei veke, med mellom anna besøk til Karasjok og Vardø. Kjekt!!! Spesielt det å få sjå familien att, etter at dei flytta frå Førde for to år sidan (då utan barn):)

Etter ferien i nord, var det tid for leir på Skilbrei, før opplading til sommarjobb. Fredag, den 20. juni, var eg oppe på sjukehuset her i Førde og fekk så smått litt opplæring og omvising på kjøkenet der og i kantina, der eg skulle jobbe resten av "ferien". Eg fekk henta meg arbeidsklede og fekk nøkkel og ID-kort.

Måndagen etterpå starta eg i jobben, som ferievikar i kantina på psykiatrisk klinikk ved Sentralsjukehuset i Førde. No har eg jobba der i seks veker, noko som har gått bra, for det meste; med unntak av såre føter etter jobb og travle dagar når eg er åleine. Her tenkte eg å vise fram arbeidsplassen min:

Her ser de sjukehusklossen og omgivnadene; ligg vakkert til på Vie

..og vi zoomar inn og ser frå ein anna vinkel.. Bakerst, i øvre høgre hjørnet, ser de litt av det kvite bygget som utgjer psykiatrisk klinikk.

Her er den o, store parkeringsplassen, der bilen min står, dersom eg ikkje er så heldig å ha min kjære John Bjarne på besøk og han køyrer meg:D

..og her er inngangen der eg går inn når eg skal på jobb, helst litt før 7...

Lenger kjem eg ikkje i forsøket mitt på å gi bilete frå arbeidsplassen, for det har ikkje lukkast meg å finne bilete av sjølve kantina.. Men ein klarer seg vel:) Om ein likevel har lyst å finne ut meir, kan eg informere om at vi har kantinesal mellom 11.30 og 12.00 på kvardagar, som er ope for alle (spesielt for personalet eigentleg.. men du kan sikkert komme du òg, om du har tid og lyst og om det er mogleg for deg:D). Akkurat no har eg som sagt fri, men på fredag skal eg på jobb att, deretter er det jobb i helga (utan kantinesal), samt måndag, onsdag, torsdag og fredag (med kantinesal), før eg avsluttar sommarjobben for i år og dreg min kos til Bergen:)

Lille Eyolf var en liten kar som åt av Ibsens ripsbusker og vart lam, til og med utan å ha vore sau på førehand

2008-05-24T10:41:00.005+02:00

Jaudå, no er eg gammalmyndig; like gammal som den strengaste fengselsstraffa i Noreg, og kjenner eg har livet føre meg. Har vel eigentleg funne ut at der ikkje er så stor forskjell på før og etter, samt at det kanskje er på tide med eit nytt innlegg på bloggen min:D

Her er mobilen eg fekk åt bursdagen min:) Veldig greitt å ha ein mobil ein faktisk kan snakke i, i meir enn ti minutt før den ladar ut... Elles rettar eg ein takk til alle som gav meg merksemd i høve 21-årsdagen min!! Av mine tidlegare utlagde ønskjer her, kan eg nemne at eg fekk meg kokebok frå gojentene i Bergen; Christine, Anne og Cathrine. Tusen takk^^,

Den siste veka har eg drive og skrive om skodespelet "Lille Eyolf" av Henrik Ibsen; heimeeksamen i norsk 1 på NLA. Glad for ENDELEG å vere ferdig me den!

See ya!

Ønskeliste

2008-04-27T19:04:00.004+02:00

Ja, då nærmar tida seg; tida for at eg blir gammalmyndig.. 21 år.

Og for å gjere eventuelle spørsmål om kva eg ønskjer meg lette å svare på, tenkte eg at det kunne vere greitt å lage til ei liste; ein oppdatert versjon av julelista mi:D

Dette er ikkje ei liste med ønske i prioritert rekkefølge, men ei samling ønske eg har;)

- Isskei
- Brettspelet "Ticket to Ride"

- Utviding av kortspelet Bohnanza - NB: MÅ vere i tysk utgåve!!!
- Kortspelet Ligretto
- Pengar - alltid greitt å ha!
- Brev/ kort i posten:D
- Boka av Ingrid Espelid Hovig: "365 sunne middager på en halv time"

Framhald følgjer kanskje... :D

Dagens tips!

2008-04-23T16:09:00.002+02:00

Dersom du føler trangen til å kræsje i ein garasje og øydelegge ei skinne på ein garasjeport, og du helst vil komme unna det ganske greitt økonomisk; kræsj i ein ny!

Då blir der kanskje enno produsert ekstra delar, slik at du ikkje treng å betale for fullstendig ny garasjeport.....

DUA og interessante punkt frå KRL-undervisninga

2008-04-06T14:55:00.006+02:00

Jepp, fredag var det klart for DUA-undervisning igjen; undervisning i Drama som Utrykksmåte og Arbeidsform. Fredag var det biletteater som stod på programmet; arbeid med tablå og innføring i litt om ein kjende teatermann, Augusto Boal, og metodane hans, dei undertrykte sitt teater. Greitt nok; for så vidt ein fin metode å bruke i arbeid mot til dømes mobbing og andre konfliktar der nokre blir undertrykte, så vidt eg har forstått det.

Elles vil eg nemne nokre ting eg har lært i dei siste KRL-timane:

→ Vi kan ikkje vite at det var eit eple Eva og Adam åt i Eden. Bibelen seier berre at det var ei frukt. Den beste gjettinga på kva frukt dei åt, er fiken. Det er fordi det er det einaste artsnamnet som blir nemnt i denne forteljinga. Dessutan blir fikentreet elles i Bibelen brukt som eit visdomssymbol, noko denne frukta gav.

Frukta fiken

→ Grunnen til at det er sagt at det var eit eple, kan vere at opphavet til dette ordet, det gammalgermanske ordet "appel", vart brukt om frukt, noko som har gått over i moderne språk som eple; dessutan blir dette ordet òg i dag brukt om andre frukter (i norske dialektar om potet, pineapple er det engelske ordet for ananas).

→ Adam levde i 930 år; dette kan vere forklart med at familienamnet Adam overlevde i 930 år.

→ Bøndene i første Mosebok går det gale for.

→ Søndagen blir dei fleste stadar i verda sett på som den første dagen. Gud såg at det var godt to gongar den tredje dagen – difor blir tysdag sett på som ein ekstra god dag, og var tradisjonelt bryllaupsdagen hos israelittane.

→ Det står ingenting i bibelteksten om at Adam og Eva var dei første menneska på jorda.

→ Storflaumen i Noa si tid kan, om ein oversetter eit ord i grunnteksten på ein annan mogleg måte enn den tradisjonelle, vere ein flaum i eit avgrensa område.

→ Forteljinga om Noa som drikk seg full og forbanninga hans over Kanaan, sonen til Kam, i 1. Mosebok 9, 20-27, er blitt brukt til grunngiving for slavehandelen, i og med at Kam (betyr "varm") er rekna som forfaderen til folk som bur i varme land (afrikanarar og indarar t.d.).

→ Det bibelske folket samaritanarane lever enno; dei er 648 i talet og har teke vare på slektsforhold heilt sidan Adam. Dei er eit konservativt folk, og er dei einaste frå det gamle Nordriket, som vart styrta av assyrarane i 722 f. Kr. (tradisjonell tidsrekning), som vi i dag veit noko sikkert om.

→ Jesus er både frå Juda og Levi stamme; både konge og prest.

→ Den brennande buska i 2. Mosebok 3; Det var vanleg at busker begynte å brenne, pga at sollyset vart reflektert i kalkstein og flint, som fantest i store mengder. Nokre buskartar i dette området må òg brenne for å formeire seg. Men denne buska heldt fram å brenne; det var det som gjorde at Moses måtte bort å sjå.

→ Farao vart rekna som den egyptiske guden. Difor var ikkje farao viljug til å høyre på det Moses og Aron sa, for kven var Herren? Korleis kunne han vere mektigare enn farao?

→ Stokken som vart til slange; det er mogleg å gjere. Om natta er slangen stiv, pga kulden. Om dagen kan dei røre seg på seg. Til kvelden blir slangen stiv att. Ein må likevel vite kva ein gjer.

→ Manna – betyr ”kva er det?” – mykje av det vi les om i Det gamle testamentet er der forklaringar på, men hittil har ingen klart å finne ei god forklaring på kva manna er/ var.

Innsamling av manna

→Det hebraisk språket er eit ordfattig språk, utan verbtider. Difor kan dei ulike hebraiske orda som den originale teksten i Det gamle testamentet er skrive med, oversettast med mange ulike norske ord, og vi kan ikkje vere sikre på tida verba er meinte å stå i.

→ Den lidande tenaren i Jesaja 53 har av jødane blitt tolka som Holocaust; det jødiske folket leid for noko andre gjorde.

Elles har helga gått med til sløving og baking av nyyydelege kjeks:D

Forelesning om barnebøker

2008-04-01T13:37:00.003+02:00

→ Yey, fekk til å lage pil. Gøy!

→ Ja, ja... Barn og gleder og sånt...

→ Elles går jo livet sin gang.

→ Påskeferien: Leiren var kjekk; 28 deltakarar og seks leiarar. Fekk tid til å besøke bestefar, der vi møtte eine onkelen min òg, og tanta til JB, så det var òg kjekt:) Då leiren var ferdig, i 12-13-tida tysdagen, reiste eg og JB til Kråkenes att etter å ha vore innom aldersbustadane og helst på bestefar og tanta til JB (som arbeider der) endå ein gong. Kjekt.

Onsdagen slappa vi av, for det meste. JB reiste til Vik att om kvelden, og eg pakka. Torsdag morgon reiste vi til bestemor, og kom fram dit rundt 17. Fredagen reiste mamma, pappa, PK, JE og AM på skitur. Eg, bestemor og Bergsvein reiste til Øre Kyrkje og gudsteneste der. Då vi kom heim att skreiv eg litt på dramaoppgåva vi skal skrive etter barneteaterførestellinga "Hjalmar" (sjå tidlegare innlegg), før eg hjelpte bestemor med middagen; Kalkun. Det var veldig godt og eg åt det for første gong:)

På laurdagen kom to av søskenbarna frå pappa på besøk, med fire av tremenningane mine. Kjekt å få helse på dei òg. Søndagen gjekk med til gudsteneste i Øre Kyrkje, der eg møtte ei av kjenningane mine frå kullet som gjekk før meg på BiG, aure til middag, litt pakking og speling av Flåklypa Grand Prix på pcen (noko det for så vidt var ein del av tidlegare i helga òg:D).

Måndagen var det store reisedagen. Vi reiste frå bestemor 9.20 og rundt midnatt var eg tilbake på Breistein, etter å ha vore innom Stryn, Kråkenes, Balestrand og Vik. Litt av ein rundtur!

→ Etter ferien har no dagane gått.. undervisning om Det Gamle Testamentet; skapingsforteljinga, syndefallet, storflaumen, tårnet i Babel og fedrehistoria... og undervisning om biletbøker

→ Yey!

Ferdig med kunst og handverk for i år

2008-03-13T23:32:00.004+01:00

Jepp, det er eit faktum at eg no er den einaste i mitt kull som fullførte kurset i kunst og handverk. Litt trist på ein måte, men veldig godt å vere ferdig med eksamen!!!

Var veldig heldig med spørsmålet frå fagpensum eg trakk; det gjekk på fargesirkelen til Itten og fargekontrastane og -harmoniane hans. I tillegg fekk eg spørsmål om kva additative og subtraktive fargar er. Dette var vel i grunn noko av det siste eg las på og repeterte før eg gjekk heimefrå i dag føremiddag;) Nydeligt:)

Det som ikkje var fullt så bra var eit uhell eg gjorde meg skuldig i i går.. Men det får no vere så si sak. Det som er gjort er gjort, det viktige er å lære av feila ein gjer... og prøve å ikkje tenke for mykje etterpåklokt; det fører ingen stad...

I alle høve: No er det påskeferie og eg har tenkt å nyte den! Planen er først leir på Fjordly og deretter familietur til Nord-Møre og bestemor. Håpar det blir bra:)

Vil ønske alle mine lesarar ei hyggeleg og fredfull påske, men òg oppmuntre til ettertanke og refleksjon over det som er grunnen til at vi feirar påske; det faktum at Jesus døydde og stod opp for at alle menneske, òg du, skulle kunne få evig liv i Han! AMEN!!!

Korset er tomt, grava er tom, Jesus stod opp og Han lever!!!

Gode barnebøker og illustratørar

2008-03-02T18:43:00.014+01:00

Då var eg ferdig med oppgåva i norsk. Omsider. Det gjorde godt. Håpar den blir godkjent og at eg slepp å rette på den etterpå.

Men i løpet av arbeidet fann eg ut at eg ville lage ein blogg om gode barnebøker og illustratørar eg "vart kjend med" i løpet av barneåra mine. Det starta med at eg skulle lese gjennom ein versjon av eventyret "Askepott" frå ei barnebok eg las mykje i som liten. Eg var, og er framleis, veldig fascinert av teikningane i denne boka, og fann ut at eg ville heidre illustratøren av boka, Rie Cramer. Men i det eg bestemte meg for det, kom eg på andre bøker eg òg likte og liker godt. Dermed tek eg med dei òg:)

Så, her er lista:

1. RIE CRAMER; denne dama som eigentleg heitte Marie, vart fødd i Indonesia 10. oktober 1887, men var nederlandsk og døde der 18. juli 1977. Ho illutrerte boka mi med åtte kjende eventyr. Vakkert! Her kjem nokre døme på teikningane hennar, etter eit portrett av henne:

2. PHILIPPE FIX; Vart fødd i 1937 nordaust i Frankrike, og for min del vart eg kjend med han gjennom boka mi "Serafin og hans makelause meisterverk". Det er bøkene om Serafin han er mest kjend for. Sprudlande fantasi!!! I boka bygger Serafin, saman med venen sin Plym, det perfekte huset. Det einaste dei manglar til slutt er musikk, og etter ei stor innsamling av mykje forskjellig får Serafin bygd dette instrumentet, som òg prydar framsida på boka mi:

3. SVEN NORDQVIST; Fødd 30. april 1946 i Helsingborg og er for meg mest kjent som illustratøren av bøkene om Gubben og Katten og bøkene om Mamma Mø og Kråka. Livlege og detaljerte teikningar, gjerne med små vesen, som ikkje har nokon ting som helst med handlinga å gjere;)

4. ELSA BESKOW; var svensk og levde frå 11. februar 1874 til 30. juni 1953. Henne kjenner eg best gjennom boka mi "Puttes eventyr i blåbærskogen". Heile boka går på vers og teikningane er flotte! Putte går i skogen for å plukke bær i fødselsdagspresang til mora si, men finn ingen bær, heilt til blåbærkongen kjem og hjelper han. Her er eit bilete der Putte blir servert, saman med blåbærgutane og tyttebærjentene, tyttebærmat av tyttebærmor:

5. JEAN DE BRUNHOFF; levde frå 9. desember 1899 til 16. oktober 1937 og var ein fransk forfattar og illustratør. Det han er mest kjend for, òg for meg, er bøkene om Babar, som først kom i 1931. Dette var opprinneleg historier kona hans fortalte til sonen deira. Brunhoff døde tidleg av tuberkulose, i ein alder av berre 37 år. Då hadde han forfatta sju bøker om Babar, men ikkje fått gjort ferdig illustrasjonane til alle bøkene. Dette verket fullførte sonen hans. Her er døme på teikningar:

Jepp. Dette er lista mi. Skulle du få lyst til å lese eller sjå i nokre av desse bøkene, er det berre å ta kontakt, så skal vi sjå om det kan ordne seg;) Kom gjerne med kommentarar til lista:)

Panikken sprer seg....... ikkje

2008-02-26T21:49:00.003+01:00

Vel, det er ei stund att til månadsskiftet.. men då bør eg vere ferdig med oppgåva mi i norsk... har litt igjen..

Jepp..

I morgon kjem mamma og pappa til Noreg att. På torsdag kjem dei hit. Det blir kjekt å høyre korleis dei har hatt det! Og for så vidt å få fleire å dele ansvar med:)

Glimt frå "Hjalmar"
Eg skal framleis vere heime i nesten to veker til.
9. mars reiser eg til Bergen att.
10. mars skal eg på barneteaterførestellinga "Hjalmar".
12. mars skal eg sette fram tinga eg har laga, som skal leggast fram til eksamen.
13. mars er det eksamen; framvising av det eg har laga i K&H-periodane, samt eit spørsmål frå tekstpensum.

Så er det påskeferie!!!!!!!

Je, je, je, pretty cool...

2008-02-23T01:49:00.003+01:00

Er heime for tida. Kult det:)

Mamma og pappa er i Israel. Vi søskena er heime åleine på vinterferie:) Kult det.

I dag har vi vaska heile huset. Kult det...

Eg har ei åtte siders norskoppgåve om eventyr eg må levere inn i løpet av neste fredag... kult det...

Det bles her! Kult det...

Kuling;)

Nøtter og visdomsord

2008-02-11T20:51:00.001+01:00

John Bjarne tipsa meg om eit morosamt, interessant, ulogisk, frustrerande, fantastisk spel her om dagen, og no vil eg tipse deg:)

Spelet er eigentleg ein quiz, og er kalla The Impossible Quiz. Enjoy!

Hovudmenyen
NB: Der er ei lita fare for å bli hekta, iallfall for folk som meg... :D
(JB-uttrykk: "sta og egen";))

Vil òg ta med eit lite visdomsord, noko ein type ved namn Bill Swanson så finurleg har påpeikt:

"An amateur built an ark that survived a flood while a large group of professionals built the Titanic."

Første veke med valfag etter jul

2008-02-07T21:16:00.000+01:00

Jepp, då er eg (snart) halvvegs med valfagsperioden denne gongen. Vi starta måndag og har to veker no før vinterferien. Etterpå har vi så to veker med undervisningsfri til å lese til eksamenen i veka før påskeferien. Så er det påske, og ikkje før etter den startar vi med vanlege førelesningar att. Kjenner at det er litt godt, ja!!!

Men i mellomtida har vi ørten oppgåver vi må gjennom òg... Først og fremst er det praksisoppgåvene; ein grupperapport, ein individuell rapport og eit praksisrelatert arbeidskrav i KRL. Er faktisk snart ferdig med alle desse! Ikkje verst, om eg må få lov til å seie det sjølv. Men den verste oppgåva er att; den i norsk... Den skal vere på heile 8 sider, +/- 10%... Grøss og gru. Gler meg ikkje akkurat til å arbeide med den, nei... Men det må vel til... Ja, ja...

Iallfall; veka så langt har eigentleg vore grei. Vi starta opp må måndag med å lage sjølvportrett med kolstift og knettgummi. Litt vanskeleg, men spennande. Veit ikkje heilt om det likna, men det gjekk iallfall fint å sjå at det var eit menneske;)

Tysdagen hadde vi først førelesning om kunstteori; korleis ein skal sjå på kunst og litt idemyldring over korleis ein kan jobbe med kunst saman med barn i skulen. Deretter starta vi på ei oppgåve i linosnitt. Vi skulle velje oss ut eit dyr vi ville arbeide vidare med. Eg valde eit dyr som fascinerer meg; sjiraffen. Morosamt, men litt vanskeleg dette òg. Det er vel ikkje meininga at det skal vere heilt lett heller...

Biletet eg tek utgangspunkt i i linosnittoppgåva
Onsdag var undervisningsfri, men arbeidssomme som vi er samla vi oss vi som var i praksis på Ostereidet Barneskule. Vi fekk skrive ferdig og levert grupperapporten, samt at vi som skulle det nesten fekk skrive ferdig KRL-oppgåva. Veldig bra! Då var vi nøgde med dagens innsats:)

I dag heldt vi fram med linosnittoppgåva, og starta å trykke. I tillegg laga vi til lerretet vi skal måle på i neste veke. Veldig kjekt! Både oppmåling, saging, liming, spikring, hamring, klipping, stifting, måling, skjering og trykking i løpet av dei same timane! Ikkje verst:)

I morgon er det Picassoutstilling som står på programmet. Vi skal på guiding kl. 13 på museet utstillinga er i i sentrum. Kan bli spennande eller utruleg kjedeleg. Håpar på det beste:)

Eitt av Picasso sine heller vakre kunstverk
Etter utstillinga reiser eg og JB forhåpentlegvis, dersom Vikafjellet er ope, til Vik for å vere der i helga. Trur det blir bra:)

Desember, jul, nyttår, januar, forprøve i pedagogikk og praksis, stort sett :)

2008-02-02T13:03:00.000+01:00

Jepp, stort sett er det det som har skjedd sidan sist. Resten av desember, juleferie og -feiring, nyttårsfeiring med faklar og utsikt over Naustdal, besøk i Vik, tilbakereise til Breistein, lesing av pedagogikk, forprøve i pedagogikk, praksisplanlegging og -gjennomføring, jubel over å vere ferdig med pedagogikk for dette skuleåret og no er eg heime på Kråkenes for (hovudsakleg) å feire bursdagen til Per Kristian (vart 19 sist tysdag) og ete peparkakehus. Gler meg!!!

Peparkakehuset denne jula,
forma med hjelp av JB og sett saman ved hjelp av PK:)

Juleønsker - ønskeliste

2007-12-09T19:13:00.000+01:00

Etter modell av Anders og ønske av Christine og tanke om at det kan vere greitt å gjere for andre enn ho, har eg bestemt meg for å legge ut ei lita ønskeliste. Eg vil få presisere at lista ikkje er i prioritert rekkefølge. Slik struktur har eg ikkje på ønska mine at eg kan klare det...

Eg ønskjer meg:

Ei god og fredeleg jul
Flaxlodd - for spenning i kvardagen
Bibelveske - for å gjere slitasjen noko mindre
Ny bukse - altså: gåvekort er ein fin ting;)
Brettspelet "Ticket to Ride"
Utviding av kortspelet Bohnanza - NB: MÅ vere i tysk utgåve!!!
Pengar - alltid greitt å ha!
Yak-okse!
Julekort frå vener og kjende, i posten!
Frimerke - til bruk...
Eit tre i Israel :)
Snooop - nesten det beste som finst

Dette er ei mellombels liste. Det kan vere at her kjem oppdateringar i etterkant, så følg med, følg med:)

Advent og sju rare ting =)

2007-12-04T21:49:00.000+01:00

Adventskalendaren min, som heng på kjøleskapet her i kjellarhusværet eg leiger (magneten er frå Ukraina:))
Joda, så er advent her, med lysestakar, stjerner og adventskalendar. Frå og med laurdag var det fullt lov (nesten, iallfall...) med peparkaker og kakemenn, mandarinar og julemarsipan. No er det litt greiare at der er juletre over alt, sjølv om eg likevel synest det er litt for tidleg med reklameplakatane som seier "Santa Claus is coming to town"...

Det er noko eg har tenkt på.. Nissar og snømenn har teke over veldig mykje av jula... Når såg du sist eit julekort med stall og krubbe på? Det finnast, det er greitt.. Men i kortpakkane frå organisasjonane som bruker å komme i posten rundt desse tider, ser ein dei sjeldan. Det er ganske trist at mange ser vekk frå det jula eigentleg handlar om; at Jesus Kristus kom til jorda som eit lite og hjelpelaust menneskebarn, for å vekse opp til forundring og forarging frå dei skriftlærde og til slutt døy og stå opp for alle menneske, så vi kan bli fri frå synd og få vere saman med Han i all æve! Amen! Ære vere Gud i det høgste, og fred på jorda blant menneske som Gud har hugnad i! (Lukas 2, spesielt vers 14)

Så var det då sju rare ting om meg... Utfordringa om å skrive det fekk eg frå Christine, og no er det på tide at eg svarer slik eg har lova ;)

1. Eg har eit skeivt smil; venstre del av underleppa går lenger ned enn høgre delen...

2. Eg eig eit trådlaust strykejern. Det har ein dockingstasjon den må ladast på, frå tid til anna. Apparatet fekk eg til 16-årsdagen min av bestemor. Eg brukte det for første gong i ettermiddag...

3. Eg har eit omtrent to centimeter langt og fire millimeter breitt arr like over venstre kne. Det fekk eg den gongen eg hogg meg i foten medan eg heldt på å kviste ei grein. Det rare var at det ikkje gjorde vondt... Det blødde berre.. Så eg gjekk roleg ned til huset og fekk plastra såret.

4. Eg har ein litt merkeleg måte å ete visse ting på, til dømes smågodt; er det noko som har lag med ulike ting, et eg som oftast lag for lag. Ta til dømes marsipankulene (som eg forresten er VELDIG glad i ;D) som dei sel som smågodt; det er marsipan med eit lag sjokolade utanpå. Då et eg som regel sjokoladen først, før eg kosar meg med marsipanen. Trur sjølv grunnen kan vere at eg vil ha reine smakar... høyrest betre ut det, enn å bli skulda for å ha tvangstankar;)

5. Eg har tre edderkoppar i frysaren. Den første fann eg på badet, den andre i oppvaskkummen på kjøkenet og den tredje på dyna mi!!! Æsj, æsj, æsj!

6. Eg har spart til langt hår heile livet.

7. Eg har aldri hatt hol i tennene i ein alder av heile 20 1/2 år. Skal til tannlegen 14. desember, og då vil det vise seg om statistikken held seg...

Jaja... Dette var sju meir eller mindre rare ting om meg:)

Har oppfatta det slik at eg skal gi stafettpinnen vidare til sju nye personar.. Det gjer eg, men eg vil seie det til dykk sju: Dette er berre om de ønskjer det, og berre for gøy! Ikkje la det stresse dykk;) Skriv gjerne som ein kommentar til denne bloggen:)

Dei sju heldige (alt etter slik du ser det) er John Bjarne (go'gutten min), Per Kristian (min kjære broder), mamma (trufast lesar), Ingrid H. R. (BiG- og køyrevenninne), Kjersti N. (venninne frå Tabu og Gideon), Ingvild G. B. (korps- og bibelgruppevenninne) og Anders (Fjordly-kompis).

Eg er spent! :D

Leir på Teigen!

2007-11-12T20:42:00.000+01:00

I helga som gjekk var eg og JB på rundtur i Sogn og Fjordane, iallfall i Sogn...

Målet var Teigen, leirstaden der eg reiste på leir som liten, ein idyllisk plass eit stykke frå Eikefjord, midt mellom Førde og Florø i Sunnfjord. Der skulle vi vere med som leiarar på B-tween-leir, leir for barn i alderen 6.-9. klasse.

Vi kom fram dit til slutt, men vegen vart lengre enn først rekna. Vi måtte nemleg innom Vik på vegen, for å legge om til vinterdekk på bilen til JB, noko som plutseleg ikkje blir så lett når Vikafjellet er stengt! Typisk nok oppdaga vi ikkje akkurat den vesentlege detaljen før vi var på Vinje, der ein svingar av mot fjellet, nesten to timar frå Bergen... Og då synest vi det var for gale å snu tilbake att.. Så vi køyrde rundt og tok den andre vegen ein kan ta når ein køyrer til Vik frå Vinje; om Gudvangen, Lærdal, ferja Fodnes - Manheller, Kaupanger, Sogndal og ferja Hella - Vangsnes. Snakk om omveg! Turen som skulle ta to timar og eit kvarter, tok plutseleg nærare seks timar...

Men vi fekk ein herleg pitstop i Vik, og faren og eldste broren til JB var utruleg greie og la på vinterdekka, så eg og JB kunne slappe av inne så lenge. Det gjorde godt!

Så la vi i veg att, plukka opp brørne mine (PK skulle vere leiar og JE deltakar) og ei til (som òg skulle vere med som leiar) i Førde, og susa til Teigen, dit vi kom omtrent tre og ein halv time for seint...

Det vart ei slitsom helg, trass i at der var omtrent ein leiar per deltakar. Søvn vart det mindre av, og tankane mine gjekk både til bibeltimane eg heldt og til planlegginga av praksisen eg starta på i dag. Eg var og er sliten, og planlegger å legge meg snart. Som tidlegare sagt: Søvn er viktig!!!

Edderkoppar?

2007-11-12T20:27:00.000+01:00

Overskrifta kan faktisk tydast på fleire måtar. Det kan vere fleirtal av edderkopp, eller eit edderkopp-par. For å seie det slik: Eg har fann ein edderkopp til, lik den andre!

Denne gongen på kjøkenet... i oppvaskkummen.. og berre to dagar etter forrige funn på badet. Veit ikkje heilt om eg er særleg begeistra for utviklinga...

Ja, ja.. Den sleit fælt med å komme seg opp av kummen. Den kom seg aldri opp att frå glaset... No har eg ein edderkopp til kvar av dykk, Anne og Christine!!! :D

Edderkopp på badet!!!

2007-11-07T22:45:00.000+01:00

I går, då eg kom heim etter å ha vore på besøk hos John Bjarne, gjekk eg ganske snart på badet, for klokka var over 22, og etter rangling i helga, kjende eg at senga kalla. Det skulle bli godt å legge seg...

Etter fletting av håret og skifting til nattklede, snur eg meg og legg merke til ein svær edderkopp, som sit på veggen under vindauget!

Edderkoppar er for så vidt greie dyr, men kan ikkje seie at eg liker å finne dei rundt om i huset, og ikkje på badet... Denne var i tillegg ganske stor, så kan ikkje noko særleg for at eg begynte å lure på korleis den hadde klart å komme seg dit...

Medan eg nærast stod og klødde meg i hovudet i undring og fortviling, med tankar om korleis eg skulle kvitte meg med den uønska gjesten, kom eg på naturfagsundervisninga og -læraren mine gode vener, Anne og Christine, har fortalt så varmt om. Den læraren, John, er nemleg særs fascinert av insekt og småkryp, såkalla "bugs"... Og kom i løpet av undervisninga dei hadde i valfagsperioden opp med idé til ein ny måte å ta livet av småkryp på. Ein skal nemleg ikkje klistre dei, men heller få dei opp i eit glas eller ein boks og legge dei i frysaren. Etter ei tid der vil dei dø, men dei er framleis like heile, og kan settast på nål i ein liten boks til studering ved seinare høve.

Eg tenkte: -Javel.. Lat meg prøve det!

Som sagt så gjort: Eg gjekk på kjøkenet og henta glaset det tidlegare har vore pesto i, og klarte ved hjelp av ein q-tip å pirke ein nokså motvillig edderkopp ned i glaset. Deretter la eg glaset i frysaren, og der ligg det enno. Så Anne og Christine, om evt. når de les dette: Eg har studieobjekt til dykk!!! :P

Biletserie:
Så stor...

I glaset...

I frysaren...

Hei igjen!

2007-11-05T16:46:00.001+01:00

Så var det ny veke då...

Kjekt det.. Iallfall no, etter at denne skuledagen er forbi:) I dag sånn cirka 9.45 var mi gruppe ferdig med framføringa av oppgåva om "Det som aldri skjer"! Godt at det er over:D For min del er det no berre to arbeidskrav att i norsk: munnleg framlegg og skriftleg heimeoppgåve. Veit lite om kva dei oppgåvene går ut på. Det munnlege framlegget veit eg ikkje når skal vere, og den skriftlege heimeoppgåva skal ikkje leverast inn før 1.mars. Resten av denne veka har vi KRL, og dei to neste vekene skal vi ut i praksis. Difor skal vi ikkje ha norsk før 3.desember! Kjenner at det er bra!

Elles har det vore ei kjekk helg. For første gong har eg og JB budd hos han ei helg! Dei andre helgene vi har vore her i Bergen, har vi vore hos meg på Breistein, men denne gongen var vi på Lyngbø. Det var kjekt:) Litt dumt for JB sin del i og med at han insisterte på å legge seg i stova på den nokså harde sofaen... (medan eg fekk senga:D) Trass i det, var det ei kjekk helg:)

Fredagen var vi ein tur til Vestkanten kjøpesenter i Loddefjord, etter å ha somla oss ut dørene. Då vi kom tilbake sat Marit (JB bur i lag med Marit og John Malvin) og såg ein film; "Stranger Than Fiction". Vi slo oss ned i lag med ho og såg resten, noko som viste seg å vere ein ganske så morsom og interessant film om ein forfattar med skrivesperre og hovudpersonen i boka hennar.

Kan anbefalast:)
Laurdagen reiste vi til byen og handla gåver til bursdagsbarna vi feira seinare på kvelden. Vi rakk ein snartur tilbake til hybelen til JB for å pakke inn gåvene og hente bilen, før ferda gjekk mot hybelen til Anne, Cathrine og Anne Berit, som laurdag feira 60-årsdag. Reisa inkluderte ei mellomlanding ved Bok og Media i sentrum, der vi plukka opp Janne, som ikkje heilt visste kvar bursdagsfeiringa skulle ta plass. Litt for seint ute, men ikkje dei siste, kom vi fram. Der vart vi tekne imot med opne armar, smil og latter. Det skulle vise seg å dominere kvelden òg, som elles bestod av fordøying av brownies, sjokolade- og vaniljeis, nonstop, peanøtter, gulrøter, dip, chips, Mozell Light, Pepsi, Pepsi Max, gul saft, vatn, fruktkaramellar og Smash (med andre ord MYKJE godt:D), maling (av litt av kvart (sjå Christine sin blogg)), Bohnanza-spel og mange koselege folk. Vi avslutta ikkje feiringa før mellom tre og halv fire... kom godt inn i Bohnanza, for å seie det slik;)

Søndagen vart litt kort fordi laurdagen var lang, men det var vel verdt det. Det vart ein koseleg dag på hybelen hos JB, der vi mellom anna hadde felles middag, eg, JB, Marit og JM. John Bjarne laga gryterett med spaghetti attåt, noko som fall i god jord. Utpå kvelden var det på tide å vinke adjø til Lyngbø for denne gong, men sidan eg fredag kjøpte meg busskort til bruk i praksisperioden, kan det nok hende nasa mi vender seg i den retninga fleire gonger enn den har gjort dei siste vekene:)

Spaghetti! Nam, nam!
I dag stod eg tidleg opp og tok 8-bussen bort til skulen. Vi i gruppa hadde avtalt å møte halv ni for dei siste førebuingane, så då var det berre å hive seg rundt. Greitt nok igrunn, sjølv om eg kjenner at det skal bli godt å legge seg no.

Greitt nok å vere trøtt, men dette er kanskje å ta litt av???
I morgon er det seks timar førelesing i hinduismen som står på tapetet. Har fått lest gjennom dei 60 sidene pensum til hinduismen, så har litt peiling på førehand.. Men må eigentleg innrømme at eg ikkje ser vidare fram til skuledagen i morgon. Då er det greitt med busskort og besøk hos kjærasten etterpå! :) Elles har Anne sagt at ho vil ta med Bohnanza på skulen i morgon, slik at vi har noko å sjå fram til i friminutta;) Den er god!

Riiiight!!! Ny helg!

2007-10-25T16:36:00.000+02:00

Ei ny helg står for døra, og eg skal ikkje på skulen resten av veka. Ei herleg kjensle!

Fredagane er som regel studiedag på NLA, så då kan ein tillate seg å sove litt lenger og ikkje dukke opp på skulen. Ganske grei ordning, må eg seie;) Denne veka hadde vi i tillegg fri onsdagen, altså i går. Til vanleg har vi lærarforum på onsdagane, det vil seie lærardannande aktivitetar, altså ikkje noko bestemt fag, men diverse andre ting ein lærar treng å kunne. Neste veke skal vi ha eit praksisseminar, som varer heile onsdagen, og neste veke har vi heller ikkje fri på fredagen; der er dramaundervisning dei tre første timane for min del.

Vik
I morgon reiser eg til Vik saman med John Bjarne, for å vere der i helga. Trur det blir kjekt:) Skal òg mest sannsynleg ein tur til Balestrand i løpet av laurdagen, altså rett over fjorden, for å vere med på haustfest på Sygna VGS, der broren min, Per Kristian går på skule. Mamma og pappa kjem nedover og skal vere med på festen dei òg, så det blir reine familiegjensynet:D Det blir bra:)

Elles kan eg jo informere lesarane mine om at bokmeldingsframlegget på måndag gjekk fint:) Eg las "Rut" av Helga Eriksen, og fekk berre gode kommentarar til framlegget mitt. Kjekt! For den som skulle vere interessert i å lese boka, kan eg i grunn anbefale den. Det var ikkje alt i den eg likte, til dømes situasjonar som vart altfor inngåande skildra, men sjølve handlinga var god. Personane var levande, og ein fekk eit godt innblikk i tankane deira. Det er ei bok som er inspirert av boka Rut i Bibelen, så ein kan finne visse likskapstrekk mellom handlinga i boka eg las og bibelboka.

Etter at alle i læringsgruppa mi hadde lagt fram si bok, var det så meininga at vi skulle velje ei bok å arbeide vidare med. Det gjorde vi ikkje før i dag, men no har vi valt "Det som aldri skjer" av Anne Holt.

Eg kjenner ikkje til verken forfattaren eller boka frå før, så dette kan bli spennande:) Ulempa er at vi skal jobbe vidare med denne boka gjennom å jobbe med den ut frå ei pensumrelatert problemstilling... altså anten med eit analytisk eller eit didaktisk fokus, eller ein kombinasjon av dei to. Kjenner at det kan bli ei utfordring... Og vi har ikkje så lang tid på oss. Måndag 5. november skal vi ha framføring... Den skal vare i 20 min, dvs. omtrent fire minutt på kvar av oss, og både presentasjon og innhald blir vurdert. Kan ikkje seie at eg gler meg vilt.. eller jo, forresten; eg gler meg vilt til å bli ferdig!

Trallalalalalabom

2007-10-18T18:34:00.000+02:00

Hei og hopp, alle saman ute i den store, vide verda! Her kjem ei lita oppdatering, eller iallfall nokre tankar frå min avkrok av Tellus.

På Breistein går dagane. Siste oppdatering frå mi side omhandla rakubrenninga i slutten av valfagsperioden på skulen. No har vi lenge vore inne i ein periode med norsk og pedagogikk, men frå og med neste veke skiftar vi pedagogikken ut med KRL. Det blir første perioden vår med KRL, noko som kan bli spennande:)

I pedagogikk har vi nyleg gjennomført framføring av arbeidskrav 2, oppgåva om Ida som har vanskar på skulen. Gruppa eg er med i hadde om læringsmiljø ut frå ulike pedagogiske retningar. For den som har greie på det, kan eg seie at eg for min del vart utruleg lei behaviorismen. Trur eg kan den teorien rimeleg godt no...

Dagen etter framføringa, på tysdag, fekk vi innføring i arbeidskrav 3, så der er ingen grunn til å ligge på latsida. Det nye arbeidskravet er eit feltarbeid, der vi skal finne ut om barn og unge sine fritidsvanar og kva for ei rolle dei har i sosialiseringsprosessen... (var der nokon som gjespa??? kan eg aldri tru...) Feltarbeid går ut på at vi skal ut til barna og observere og/eller intervjue dei. Kjenner at det er noko eg ikkje gleder meg overmåte til... Men ein må gjennom arbeidskrava for å kunne gå opp til eksamen... (hmm.. vil eg eigentleg det? viss eg tenkjer meg om...?)

10 poeng til den som klarer gjette kvifor eg tok dette biletet!
I dag har eg vore i observasjonspraksis. Eg skal ha praksis på Ostereidet Barneskule i 6. klasse, og i dag møtte eg klassen for første gong. Spennande:) Der skal eg vere i morgon, i tillegg til nokre veker i november, saman med ein medstudent, Lillian. Ho og eg dannar ei praksisgruppe, og det er kjekt:) Observasjonspraksisen går ut på å bli litt kjend med klassen og læraren, og å sjå litt på klasseleiing og motivasjon. Greitt å kunne erfare litt i praksis:)

I norsk blir haugen av ulest, men gjennomgått, pensum større og større. I næraste framtid er det sjølvvalt pensum som står på menyen. Kvar student skal framføre ei slags bokmelding på boka dei les no på måndag, i dei ulike læringsgruppene (mi er på fem personar). Kvar student skal ha ein opponent som vurderer framlegget, og etter framlegget skal ei side med disposisjon, eiga vurdering av framlegg og refleksjon rundt opponent sine kommentarar, leverast inn.

Som den merksame leser vil forstå; Livet er travelt, og her er nok å ta tak i. Det kan bli vel travelt innimellom, og ein kan miste litt motet, men som regel går det greitt når ein bit tennene saman, og får nok søvn.

Det siste der, nok søvn, er nok det mest vesentlege... Difor vil eg oppfordre alle som ein til å sove lenge nok. Tips: det er betre å legge seg tidleg og stå opp tidleg enn å legge seg seint og stå opp seint! Ikkje det at eg alltid klarer å etterleve det tipset, men eit ærleg forsøk er jo neppe å forakte;)

Raku- og tønnebrenning

2007-09-27T20:00:00.000+02:00

Denne veka har valfagsperioden blitt avslutta for denne gong. Det gjorde vi med utedag på måndag og opning av utstilling og overflatebehandling av prøvene våre på tysdag. Etter jul skal vi ha endå ein periode, då med meir fokus på bilete og todimensjonale kunstverk.

Her er Internett-utgåva av utstillinga vår:
Heile utstillinga
Biletserie over tønnebrenningsframgangsmåten og sosiale tiltak brenningsdagen; steiking av pannekake og maiskolbar på bål:)
Biletserie over rakubrenningsframgangsmåten
Anja si (rakubrent)
Mi si (tønnebrent)
Anja Eline si (rakubrent)
Utkastet til Anja si krukke (tønnebrent)
Anja Eline si (rakubrent)
Mi si (rakubrent)
Mi si (tønnebrent)
Anja si (rakubrent)
Anja Eline si (rakubrent)
Mi si (rakubrent)
Elisabeth sitt (rakubrent)
Elisabeth si (tønnebrent)
Elisabeth si (rakubrent),
den første vi brente i rakutønna!!!

Mi si (tønnebrent)

ENJOY!!!

Du aldri finn, om langt du fer, ein stad som heimen, dyr og kjær!

2007-09-22T23:15:00.000+02:00

Jonastunet, heimen min:)
Er heime i helga. Hadde eigentleg planlagt tur til Vik, men det endra seg då meldinga kom om at Per Kristian, broren min, skulle heim denne helga, før han på tysdag reiser til Roma og skal skrive prosjekt om italiensk mat:)

Det var vanskeleg å bestemme seg. Skulle eg reise heim, eller skulle eg vere med kjærasten min heim. Planen var som sagt det siste, men det var ei stund sidan sist eg hadde snakka med broren min, og det er jo kjekt å komme heim. Så etter nøye gjennomtenking, fann eg ut at prioriteringa mi denne helga fekk vere å reise heim.

Og heime blir eg møtt på ein flott måte!!! God mat, god varme, god seng, gode smil, heile familien samla. Eg er glad i dykk, kjære mamma, pappa, Per Kristian, John Eivind og Ane Marte!

IKT -biletbehandling

2007-09-13T19:22:00.000+02:00

Perioden eg er inne i i skulesamanheng no er stort sett bygd opp av valfag. Som tidlegare nemnt har eg kunst og handverk som valfag, noko eg trivst med.

Tidlegare i perioden har vi jobba med ulike typar leire og laga fem skåler, sju teksturprøver og ei krukke, i tillegg til at vi har hatt ei gruppeoppgåve i rått tre, der vi skulle lage ein skulptur. Den vart det ikkje noko særleg av, i og med at tre av fire studentar var vekke dagen skulpturen eller installasjonen skulle byggast. Eg var den einaste som var til stades, og då bestemte læraren at det var lite vits i at eg skulle gjennomføre gruppeoppgåva åleine, noko eg var samd i:) Dagen vart i staden brukt til knyting og innlæring av ulike knutar, i tillegg til at eg lærte meg å takle og spleise tau. Nyttig og morsom lærdom. Vi gjekk òg gjennom tryggleik ved bruk av verkty som til dømes kniv; kva som er viktig å hugse på i møte med elevane.

I dag gjekk vi vidare, og hadde to timar førelesning i fargelære, før vi gjekk på datarommet og fekk innføring i Adobe Photoshop Elements 2.0. Vi fekk òg ei oppgåve der vi skulle nytte programmet til å lage ein plakat til støtte for ei kampsak. Her er resultatet mitt:

Helg! -og litt statistikk

2007-09-06T17:41:00.000+02:00

Eg kan nesten ikkje tru det, men det er faktisk helg! Eg har studiedag i morgon (og omtrent kvar fredag), og treng då ikkje å gå på skulen, så no er det helg:D

Men får vel vere flink å lese litt i dag og i morgon, for å kunne komme gjennom pensum.. Men det er utruleg herleg å tenkje på at eg slepp å komme meg bort til skulen:) Visste du at i eitt studiepoeng er det omtrent 80 sider kjernepensum? Det betyr at i løpet av eitt år, som er 60 studiepoeng, har ein eit pensum på omtrent 80x60 = 4800 sider. Vidare vil det seie at eg i løpet av allmennlærarutdanninga mi, som er på fire år, vil måtte lese omtrent 80x60x4 = 19200 sider. Passe VILT!

Det gjekk forresten rimeleg greitt i går med responsgruppe og studieteknikk. Eller det vil seie, det gjekk fint med responsen, det var til og med bortimot kjekt. Studieteknikken var meir ei prøving, men kom no gjennom den òg. Det vart litt mykje prat og litt lite ein fekk ut av det... Men ein ting merka eg meg: Visste du at 70-90 % av ei lærebok er såkalla "fyllstoff"? Du treng altså berre lære 10-30 % av pensum. Kor teit er ikkje det??? Vart litt frustrert når eg forelesaren i studieteknikk fortalte det.... Lærebokforfattarar burde får kurs i å uttrykkje seg på ein lett og kortfatteleg måte. Det burde kunne vere mogleg å skrive om ein ting utan å bruke opptil 90 % av teksten på forklaring!!!

I dag har eg vore på forelesning om kreativitet, og elles komme godt i gong med oppgåva "skulpturell krukke" på verkstaden. Kjekt med kunst og handverk som valfag:)

Vill jubel!!!

2007-09-04T22:22:00.000+02:00

Eg er ferdig med leksa om "Den gode norsklæraren"!!!

Endelig! Det tok tid, krefter og innsats. No er det over, og i morgon er det responsgruppe! *grøss*

I mellomtida ønskjer eg alle lesarane mine ei god natt med herleg søvn og nydelege draumar!